Foto: Ashyq derekkóz
Ǵylym jáne joǵary bilim mınıstrliginiń Memleket tarıhy ınstıtýty men Astana qalasynyń Ishki saıasat basqarmasy uıymdastyrǵan is-sharada Parlament Senatynyń depýtaty Nurtóre Júsip jáne Astana qalasy Ishki saıasat basqarmasynyń basshysy Nurdáýlet Álmuhanov sóıledi. Sondaı-aq Memleket tarıhy ınstıtýtynyń dırektory PhD Nurbek Serikuly Pusyrmanov jáne Qazaqstan Respýblıkasy Prezıdentiniń janyndaǵy Qazaqstannyń strategııalyq zertteýler ınstıtýtynyń (QSZI) Strategııalyq taldaý bóliminiń basshysy Ermek Toqtarov baıandama jasady.
Dóńgelek ústel aıasynda Joshy ulysynyń 800 jyldyǵyna oraı «Qazaq handyǵy tarıhyndaǵy Shıbandar (Sheıbandar, Shaıbaqtar) Áýleti (Ibir-sibir, Deshti-qypshaq, Máýerennahr aımaqtarynda)» halyqaralyq zertteý tobynyń ujymdyq monografııasynyń (Qazaqstan, Reseı, Tájikstan) saltanatty tusaýkeseri ótti. Monografııada joba aıasynda zertteý taqyrybyna qatysty anyqtalǵan jáne tarıh ǵylymynda buryn qoldanylmaǵan jańa eńbekter, muraǵattyq qujattar, kartalar men ıllıýstrasııalar qamtylǵan.
Is-sharaǵa QR Parlamentiniń ókilderi, qoǵam jáne memleket qaıratkerleri, ǵylymı-sarapshylyq uıym qyzmetkerleri, azamattyq qoǵam ókilderi, Astana qalasyndaǵy JOO ǵalymdary jáne BAQ ókilderi qatysty.
