Besaryqtaǵy bódene fermasy

Oblys ákimi Nurlybek Nálibaev aýyl turǵyndaryn quttyqtap, tyń kásip bastap otyrǵan «Abaı-Dáýlet» JShS basshy­lyǵyna tabys tiledi.

– Osydan sál ýaqyt buryn, Táýelsizdik kúni qarsańynda Memleket basshysy bıznestiń áleýmettik jaýapkershiligi jónin­degi «Paryz» respýblıkalyq konkýrsynyń Gran-prı júldesin «Abaı-Dáýlet» jaýap­kershiligi shekteýli seriktestigine ta­bys et­keni óńir jurtshylyǵynyń or­taq qýa­nyshyna aınaldy. Bul júlde – osy kásip­orynnyń ǵana emes, Syr jurtshy­lyǵynyń jeńisi, oblystaǵy barlyq kásipkerlerge berilgen joǵarǵy baǵa. Aımaqta azyq-túlik qaýipsizdigin qamtamasyz etý baǵytyndaǵy mańyzdy jobany qolǵa alyp, bódene fermasyn salǵan kásipker, «Abaı-Dáýlet» JShS jetekshisi Murat Sársenbaevqa Syr jurtshylyǵy atynan shynaıy rızashylyǵymyzdy bildirip, alǵysymyzdy aıtamyz, – dedi oblys ákimi.

Besaryqtyń berekesin ústep otyrǵan «Abaı-Dáýlet» JShS kúrish, qus, mal ósirý­men, tamaq óndirisi jáne qurylys materıaldaryn shyǵarýmen aınalysyp, 200-ge jýyq adamdy jumyspen qamtyp otyr.

Aýyldaǵy bódene fermasy jylyna 1 500 tonna qus etin óndiredi. Mundaǵy 80 myń bas qustyń jartysy et, qalǵany jumyrtqa baǵy­tynda baǵylady. Kásiporyn tolyq qýat­qa kóshkende 160 adamdy jumys­pen qam­tıdy.

Jalpy, bıyl Qyzylorda oblysynda shaǵyn jáne orta bıznes sýbektileriniń sany 10,3 paıyzǵa artyp, 70 977-ge jetken. Kásipkerlikti qoldaýǵa ártúrli kózderden 42 mlrl teńge tartylyp, 3,5 myńnan astam jobaǵa qarajat bólindi.

Qyzylorda