2022 jylǵy narazylyq aksııasy zorlyq-zombylyqqa ulasqan, 2023 jylǵy konstıtýsııalyq reformalardan keıin Prezıdent Toqaev tabıǵı baılyqtary mol eldiń ekonomıkalyq damýyna, Azııa men Eýropanyń saýdasynda mańyzdy ról ıelenetinine senimdi. Basylymnyń bas dırektory Dıhan Qamzabekulyna bergen suhbatynda tııanaqty jáne josparly áreket jasaıtynyn, maqsatqa jetý úshin úzdiksiz alǵa umtylatynyn atap ótti.
Halyqaralyq valıýta qory men Dúnıejúzilik banktiń boljamdaryna sensek, 2023-2024 jyldary el ekonomıkasynyń ósimi 3-4 paıyzdan aspaıdy. Memleket basshysynan alǵa qoıǵan maqsatqa qalaı qol jetkizýge bolatyny suraldy. «Árıne, bul – jetýge bolatyn meje», degen Prezıdent Qazaqstannyń 2022 jylmen salystyrǵanda ishki jalpy ónim kólemi 15 paıyzǵa óskenin alǵa tartty. «Bul – Ortalyq Azııadaǵy eń joǵary aqshalaı ósim. Jan basyna shaqqandaǵy ishki jalpy ónim de ósip keledi. Buǵan qatysty boljamdy kórsetkish byltyr 13 myń dollarǵa jýyqtady. Onyń jyl saıynǵy ósimi 1,6 myń dollar bolady dep baǵalanǵan. Halyqaralyq valıýta qorynyń boljamyna sáıkes 2028 jylǵa qaraı bul kórsetkish 30 paıyzdan da kóbirek artyp, 16,8 myń dollarǵa jetedi», dedi Toqaev.
«Úkimet ekonomıkany basqarýdyń tyń tásilderin qoldana alsa, jańa aıtylǵan jaqsy boljamdar aqıqatqa aınalady», deıdi ol. Sondaı-aq aýqymdy damý josparlary men jobalaryna toqtaldy. Mańyzdy mindettiń biri – ınvestısııa tartý. «Qomaqty ınvestısııa bolsa, ekonomıka qarqyny údeı túsedi jáne jańa múmkindikter paıda bolady», dedi Toqaev.
Teńgerimdi saıasat jalǵasady
Prezıdent Qasym-Jomart Toqaev «Egemen Qazaqstan» gazetinde jarııalanǵan suhbatynda Qazaqstan bıligi ulttyq múddelerdi eskerip, syndarly jáne teńgerimdi syrtqy saıasatty jalǵastyrýǵa bekinip otyrǵanyn alǵa tartady.
«Biz ult múddesin eskere otyryp, syndarly ári salıqaly syrtqy saıasatty jalǵastyramyz. 2024 jyly elimizde birqatar aýqymdy sammıt, forýmdar ótedi. Qazaqstan birneshe bedeldi halyqaralyq uıymǵa, atap aıtsaq Shanhaı yntymaqtastyq uıymyna, Ujymdyq qaýipsizdik týraly shart uıymyna, Azııadaǵy ózara is-qımyl jáne senim sharalary jónindegi keńeske, Túrki memleketteri uıymyna, Araldy qutqarý halyqaralyq qoryna, Azyq-túlik qaýipsizdigi jónindegi ıslam uıymyna tóraǵalyq etedi», dedi Toqaev.
Qazaqstanda ótetin Dúnıejúzilik kóshpeliler oıyndary úlken oqıǵa bolmaq. «Baıraqty báseke ulttyq sport pen salamatty ómir saltyn dáripteý jaǵynan da, Uly daladaǵy kóshpeliler órkenıetiniń murageri sanalatyn baýyrlas halyqtardyń mádenı-gýmanıtarlyq baılanysyn arttyrý turǵysynan da mańyzdy ekeni sózsiz», dep túsindirdi Prezıdent.
Toqaev qyrkúıektegi Qazaqstan halqyna Joldaýynda jańa ekonomıkalyq modelge kóshý mindetin qoıǵanyn eske saldy. «2029 jylǵa qaraı jalpy ishki ónimdi qazirgiden eki esege arttyrý máselesin basty strategııalyq maqsat retinde belgiledim. Kóp uzamaı Úkimettiń keńeıtilgen otyrysy ótedi. Onda elimizdiń byltyrǵy áleýmettik-ekonomıkalyq damý qorytyndysy shyǵarylyp, aldaǵy jumystyń amal-tásilderi aıqyndalady», dedi Toqaev.
Halyqaralyq qatynasqa toqtaldy
Qazaqstan Prezıdenti Qasym-Jomart Toqaev respýblıkalyq «Egemen Qazaqstan» gazetine bergen suhbatynda saıası reformalar, ekonomıkalyq damý jáne halyqaralyq qatynastar taqyrybyna toqtaldy.
Áńgimesin «2023 jyl elimiz úshin mańyzdy oqıǵalarǵa toly jyl boldy», dep bastaǵan Toqaev Májilis saılaýyna, mektepter qurylysy, densaýlyq saqtaý mekemeleri men áleýmettik osal sanattardy qoldaýǵa baǵyttalǵan Áleýmettik kodeks engizilgenin atap ótti.
«Osy jumystyń bári 2024 jyly da jalǵasady», dep ýáde etken Prezıdent jańa ekonomıkalyq úlgige kóshýdi josparlap otyrǵanyn jetkizdi. «2029 jylǵa qaraı ishki jalpy ónimdi qazirgiden eki esege arttyrý máselesin basty strategııalyq maqsat retinde belgiledim. Kóp uzamaı Úkimettiń keńeıtilgen otyrysy ótedi. Onda elimizdiń byltyrǵy áleýmettik-ekonomıkalyq damý qorytyndysy shyǵarylyp, aldaǵy jumystyń amal-tásilderi aıqyndalady», dedi Toqaev.
«Biz ult múddesin eskere otyryp, syndarly ári salıqaly syrtqy saıasatty jalǵastyramyz. 2024 jyly elimizde birqatar aýqymdy sammıt, forýmdar ótedi. Qazaqstan birneshe bedeldi halyqaralyq uıymǵa, atap aıtsaq Shanhaı yntymaqtastyq uıymyna, Ujymdyq qaýipsizdik týraly shart uıymyna, Azııadaǵy ózara is-qımyl jáne senim sharalary jónindegi keńeske, Túrki memleketteri uıymyna, Araldy qutqarý halyqaralyq qoryna, Azyq-túlik qaýipsizdigi jónindegi ıslam uıymyna tóraǵalyq etedi», dedi Toqaev.
