«Qazir álem jyl saıyn emes, kún saıyn ózgerip jatyr. Jańa tehnologııalar, mamandyqtar jáne salalar paıda bolýda. Jumysty uıymdastyrýdyń jáne basqarýdyń ádis-tásilderi qaıta qaralyp jatyr. Osyndaı jaǵdaıda jańa kásibı daǵdylardy meńgerýge jáne ozyq bilimin tıimdi paıdalanýǵa qabiletti jastardyń róli arta túsedi. Oıy ushqyr jastarymyz bolashaqty baǵamdaı alady ári dáıekti damýǵa umtylady.
Qoǵamda eńbekqorlyq pen jasampazdyq joǵary baǵalanýǵa, bilimpazdyq pen jańashyldyq saltanat qurýǵa tıis. «Biz ozyq oıly ult retinde halqymyzdy ydyratatyn emes, biriktiretin joldy tańdap, tek qana alǵa qaraýymyz kerek», dep atap ótti.
Memleket basshysy erekshe atap ótkendeı «eńbekqorlyq, bilimpazdyq, kásibılik, birlik, yntymaq, jańashyldyq, iskerlik, bastamashyldyq, adaldyq, qarapaıymdylyq jáne únemshildik – naǵyz otanshyl, adal azamatqa tán qasıetter men qundylyqtar».
Osy qasıetter men qundylyqtardy jan-jaqty dáriptep, urpaq sanasyna sińirý basty boryshymyz ekenin, elimizdegi bilim salasynyń ustazdary, oqytýshylary, professorlary men ǵalymdary tereń sezinip, úlken jaýapkershilikti moıynǵa alyp, abyroımen atqarýǵa kúsh-jigerimizdi, búkil tájirıbemizdi jumsaýǵa mindettimiz dep sanaımyn.
Sonymen qatar elimiz bıylǵy jyly Halyqaralyq kóshpendiler oıynyn ótkizetindigine toqtalyp ótti. Bul óz kezeginde ulttyq rýhtyń asqaqtaýyna áser etetin shara bolmaq.
Prezıdent 2024 jyly qazaqtyń biraz aıtýly tulǵasynyń mereıtoıy atalyp ótetinine toqtaldy. Sonyń ishinde bıyl qazaq ǵylymynyń órkendeýine ólsheýsiz úles qosqan tulǵa, eldegi tuńǵysh ǵylym akademııasyn qurǵan, akademık Qanysh Sátbaevtyń týǵanyna – 125 jyl bolady.
Bul bizdiń akademıktiń esimin ıelenip otyrǵan ýnıversıtetimiz úshin úlken merekelik is-shara. Sonymen qatar osy jyly ýnıversıtetimizdiń 90 jyldyq mereıtoıyn jyl boıy atap ótemiz dep otyrmyz. Eń basty meje men maqsat Sátbaev ýnıversıteti ǵalymnyń laıyqty izbasarlaryn daıyndaý jolynda turaqty jumystar atqara beretin bolady.
Bul aýqymdy sharalar Memleket basshysynyń atalǵan suhbatta el bolashaǵyna qatysty aıtqan súbeli de salmaqty oılarymen astasyp qabysyp jatyr dep oılaımyn.
Erjan ITEMENULY,
Sátbaev ýnıversıteti
Basqarma múshesi — Ǵylym jáne korporatıvtik damý jónindegi prorektor
