Foto: kyzylorda-news.kz
Depýtattyń aıtýynsha, azamattardy medısınalyq ortalyqtarǵa bekitýdiń ereksheligine baılanysty pasıentter kúrdeli aýrýdan emdelý úshin dáriger men emhana izdep iri medısınalyq mekemelerge ýaqytsha bekitiledi jáne tolyqqandy materıaldyq-tehnıkalyq bazasy joq emhanalar arasynda kóship-qonýǵa májbúr bolyp otyr. Dárigerler de azamattardyń keıbir sanattaryn tirkeýde qıyndyqqa tap bolyp jatyr.
«Ásker qataryna boryshyn óteýshilerdiń ózdiginen emhanadan shyǵarý máselesi qarastyrylmaǵan. О́ńirlerdegi quzyrly organdar atalǵan tirkeýde qalǵan jasóspirimder qarajatyn zańsyz alynǵan qarajat sanatyna jatqyzyp otyr. Al bul óz kezeginde qormen jalǵan tirkeýler retinde kórsetilip, medısınalyq qyzmetkerlerdiń dıskredıtasııasyna jáne dárigerlerdiń júıeden ketýine ákelip otyr», dedi Aqmaral Álnazarova.
Senator sońǵy 5 jylda alǵashqy medısınalyq kómek qarjysynyń úlesi 21,9%-ǵa deıin tómendegenin, jalpy júıege berilgen qarjy kóleminiń óskenine qaramastan MSAK tarıfteri ózgerissiz qalyp kele jatqanyn atap ótti. О́ńir dárigerleri kórsetetin 42 qyzmettiń 38%-yna jáne orta býyn qyzmetkerler kórsetetin 212 qyzmettiń 44%-yna tarıf bekitilmegen. Al jan basyna shaqqandaǵy keshendi normatıv óńirlik qyzmetkerlerdiń qyzmetin tolyq qamtı almaıdy. Depýtat sonymen qatar medısınalyq uıymdarda bólingen qarajatty derbes retteý quqyǵynyń bolmaı otyrǵanyna da toqtaldy.
«Emhanalar sharýashylyq júrgizý quqyǵyndaǵy kommýnaldyq mekemeler bolyp sanalǵanymen, óz betinshe táýelsiz basqarý quqyǵynan aıyrylǵan. Oǵan dálel retinde mekemelerdiń saqtandyrý qorynan bir jylǵa bólinetin qarajatty, pasıentterdiń naqty qajettiligine eskerilmegen jospary boıynsha ár aı saıyn ıgerýmen aınalysýyn jatqyzýǵa bolady. Medısınalyq uıymdar pasıentti emdeý, aýrýlardy taldaý emes, bekitilgen qarajat ıgerilmegenine nemese syzyqtyq shkaladan assa, salynatyn aıyppuldardy boldyrmaýmen aınalysyp jatyr. Nátıjesinde uıymdardyń talaptary men qarjylyq múmkindikteri arasynda aıtarlyqtaı alshaqtyq paıda bolyp, shyǵystar medısınalyq kómek kórsetýge kózdelgen qarajat esebinen jabylýda. Ol óz kezeginde medısınalyq statıstıkanyń burmalanýyna jáne keler jyldyń josparynyń naqty qajettilik eskerilmeı jasalýyna ákelip soǵady», dep atap ótti senator Álnazarova.
