Foto: Astana ákimdigi
Ulttyq birinshilikke elimizdiń 17 oblysy men Almaty, Astana, Shymkent qalalarynan kelgen sportshylar qatysady. Aıtýly básekede elordalyq bozkilem sheberleri de baq synaıdy.
Atalǵan týrnırden soń Bishkekte (Qyrǵyzstan) ótetin Azııa aımaqtyq, Ystanbulda (Túrkııa) ótetin álemdik irikteý týrnırinde baq synaıtyn balýandar esimi belgili bolmaq.
Aıta keteıik, resmı aqparat boıynsha, erkin kúresten álem chempıonatynyń qola júldegeri Azamat Dáýletbekov pen grek-rım kúresinen komanda múshesi Nursultan Tursynov el chempıonatynan bosatyldy. Eki balýan da Parıj Olımpıadasyna joldama alǵandyqtan, olar maqsatty túrde daıyndyqqa kirispek.
Kúres túrlerinen Qazaqstan birinshiligi Jaqsylyq Úshkempirov atyndaǵy jekpe-jek saraıynda ótedi.
