Otbasynyń ózekti máselesi

Prezıdent tapsyrmasyna­ sáıkes turmystyq zorlyq-zom­by­lyq jasaý faktisi úshin jaýap­ker­shilik kúsheıtilip, qylmystyq jáne ákimshilik kodeksterge túzetýler engizildi. Ákimshilik polısııa komıteti tóraǵasynyń orynbasary Renat Zulqaıyrovtyń aıtýynsha, byltyr 1 shildeden bas­tap polısııa turmystyq quqyq buzýshylyqtardy tirkeýdi ótinish berý sıpatynan anyqtaý sıpatyna kóshirdi. Árbir fakti boıynsha ákimshilik is qozǵalady. Al sońǵy quqyqtyq baǵalaýdy sot beredi. Bul rette quqyq buzýshynyń sotta bir ret qana tatýlasýǵa quqyǵy bar.

Jańa zańnama aıasynda byltyr ekinshi jartyjyldyqta ǵana tur­mys­tyq janjaldar týraly 50 myń ótinish qaralsa, 64 pa­ıyz materıal boıynsha ákimshilik is júrgizý qoz­ǵal­dy. Ákimshilik qamaýǵa alynǵan adam­dar­dyń sany 2 esege artqan. Sotta 27 myń­nan astam otbasy tatýlasypty. Sony­men qatar mınıstr­lik zorlyq-zom­bylyqqa ushyraǵan otbasylarmen profılaktıkalyq jumysty jan­dandyrýǵa den qoıyp otyr. Jábir­lenýshilerdiń qaýip­sizdigin qam­ta­masyz etý maq­sa­­tynda byltyr 87 myń qorǵaý nusqamasy shyǵarylyp, qu­qyq buzýshynyń minez-qulqyna 15 myń erekshe talap­tar belgilendi. Bú­gin­gi kúni olarǵa polısııanyń kúsheı­til­gen baqylaýy júzege asyrylady. Al shekteýlerdi buzǵan 12 myń fakti­niń­ joly kesilgen.

«Qoǵamda quqyq buzý­shylyq­tar­ǵa tózbeýshilik qaǵıdaty qalyp­ta­syp ke­ledi. Osy saladaǵy quqyq buzý­shy­­lyqtar týraly habarlamalardy tir­keý 14 paıyzǵa, onyń ishinde tur­mys­tyq­ qylmystardyń tómendeý úrdisi ba­ı­qalady. Keıbir polısııanyń rep­re­­ssıvtik sharalary turmystyq zor­lyq-zombylyq máselesin sheshe al­maı­dy. Osyǵan baılanysty Úkimet tur­­mystyq zorlyq-zombylyqtyń aldyn alý boıynsha, ıaǵnı osy saladaǵy saıa­satty qaıta qaraý jónindegi jol kar­ta­syn iske asyryp jatyr», deıdi R.Zulqaıyrov.

О́ńirlerde ómirlik qıyn jaǵ­daıǵa tap bolǵan otbasylardy anyqtaý bo­ıyn­sha mobıldi toptar qurylǵan. Ýchas­­kelik ıns­pek­torlar 150 myń otba­syn aralap, memlekettiń kóme­gi­ne muqtaj 500-den astam otbasy anyqtalǵan. Ákimshilik polısııa­ komıtetiniń erekshe tapsyrmalar jónindegi aǵa ınspektory Aqmaral Serikbaevanyń sózinshe, qazir táýlik boıy «111» jáne «150» jedel jelisiniń telefondary jumys istep tur. Árbir qońyraý soqqan jábirlenýshi der kezinde tıisti keńes nemese qoldaý ala alady. Sondaı-aq­ byltyr áıelder men balalardyń quqyqtaryn qorǵaý, otbasylyq qundylyqtardy ilge­riletý jónindegi sharalardy kúsheıtý jóninde zańna­ma­lyq túzetýler ázirlengen. Bul boıyn­sha densaýlyqqa qasaqana jeńil zııan keltirýdi jáne uryp-soǵýdy qylmystyq jaýapkershilikke tartý josparlanyp otyr. «Endigi jerde quqyq buzýshynyń minez-qulqyna baılanysty talap sotqa jiberilip, agressordy turǵyn úıden ýaqytsha shyǵarý máselesi qaralady. Sony­men qatar oǵan áleýmettik beıim­delý ortalyqtarynda óz is-áre­ketterin ýaqytsha qaras­ty­rý­ usynylady. Sondaı-aq sot agressordyń densaýlyq saq­taý uıymdarynda mindetti psı­ho­kor­reksııalyq kýrstardan ótýin taǵaıyn­daýǵa quqyǵy bar. Dál osyndaı erekshe talaptar Qyl­mys­tyq kodeks sheńberinde de bel­gi­le­ne­di», deıdi A.Serikbaeva.

Aınalada bolyp jatqan zań buzý­shy­lyqtarǵa kóz juma qa­ra­­maýǵa sha­qyrǵan IIM ókili tár­tiptiń basy tár­bıeden bas­tala­tynyn túsingen qo­ǵam­da qylmysqa tózbeýshilik qaǵıdaty qa­tań saq­talatynyn jetkizdi. «Al polı­sııa eldegi otbasyndaǵy árbir adam­nyń quqyǵy aıaqqa taptalma­­­ýyn qadaǵalap, kez kelgen zorlyq-zom­by­lyqtan qorǵaýǵa árqashan ­da­ıyn», dedi spıker.