Sybaılas jemqorlyqqa qarsy keshendi jumys

Jıynda Qazaqstan Respýblıkasy­nyń sybaılas jemqorlyqqa qarsy saıa­satynyń 2022-2026 jyldarǵa arnalǵan tujyrymdamasyn jáne Eýropalyq Keńes janyndaǵy Sybaılas jemqorlyqqa qarsy kúres jónindegi memleketter tobynyń (GREKO) usynymdaryn júzege asyrý máseleleri qarastyryldy.

Birinshi máseleni talqylaý barysynda Prezıdent Qasym-Jomart Toqaevtyń tapsyrmasy boıynsha ázirlengen Sybaılas jemqorlyqqa qarsy saıasattyń 2022-2026 jyldarǵa arnalǵan tujyrymdamasy elimizde júrgizilip jatqan reformalardyń qısyndy jalǵasy ekeni, bul qujat sybaılas jemqorlyqqa qarsy keshendi jumys júr­gizýge, qoǵamda jemqorlyqqa qarsy ımmý­nı­tet qalyptastyrýǵa jáne halyqtyń ál-aýqa­tyn arttyrýǵa baǵyttalǵany atap ótildi.

Memlekettik keńesshi atalǵan tujy­rym­damany iske asyrý jónindegi is-qı­myl josparynda belgilengen sharalar­dy oryndaýmen qatar, olardyń jemqorlyq deńgeıin tómendetýge naqty áseri týraly obektıvti derekterdi qadaǵalap otyrý qajet ekenine nazar aýdardy.

Sonymen qatar Sybaılas jemqor­lyqqa qarsy is-qımyl agenttigine quqyq qol­­daný tájirıbesin muqııat zerde­lep, so­nyń nátıjesinde tujyrymdamany iske asy­rý jónindegi is-qımyl josparyna tıis­ti sha­ralardy jedel engizip otyrý usynyldy.

Ekinshi máseleni qarastyrý bary­synda sybaılas jemqorlyqqa qarsy is-qı­myldyń tıimdi tásilderin odan ári en­gizý úshin GREKO-men syndarly yntymaq­tas­tyq­ty nyǵaıtýǵa basa mán berildi. Erlan Qarın sheteldik sarapshylardyń usy­nym­daryn pysyqtap, olardy iske asyrý­dyń pármendi tetikterin ázirleý úshin ju­mys­ty jandandyrý qajet ekenin atap ótti.

Komıssııa talqylanǵan máselelerdi eskere otyryp, naqty usynymdar ázirledi.