Foto: Turizm_jane_sport_ministrligi
«50 metrlik qashyqtyqtan jyljymaly nysanaǵa vıntovkamen atý saıysynda Aleksandra Le 7-orynǵa turaqtap, Parıj Olımpıadasyna barýǵa múmkindik aldy. Aıta keteıik, bul baǵdarlamada buǵan deıin 2023 jyly Azııa chempıonatynda Arına Altýhova joldama alǵan edi. Al 25 metrden jyldam atylatyn tapanshamen synǵa túsken Nıkıta Chırıýkın irikteý kezeńinde 584 upaı jınap, fınalǵa ótti. Sonymen qatar jerlesimiz Parıj Olımpıadasynyń da kvotasyn ıelendi. Osylaısha, ázirshe nysana kózdeýden el qorjynynda Parıj Olımpıadasynyń 5 joldamasy (Islam Satpaev, Arına Altýhova, Konstantın Malınovskıı, Aleksandra Le, Nıkıta Chırıýkın) bar», delingen aqparatta.
Degenmen de Olımpıada joldamasy sportshylardyń ózine emes, federasııaǵa beriledi. Sondyqtan da joldama oljalaǵan mergen mindetti túrde jazǵy Olımpıada synyna qatysady degen qaǵıda joq. Kimniń joly túsetinin federasııa basshylyǵy men bapkerlik quram naqtylaıdy.
