Qazynaly ýnıversıtet

Qazaqstan táýelsiz jańa memleket retinde qalyptasyp, túrli bel-belesterden ótti, memlekettik basqarýdyń barlyq salasy boıyn­sha jetistikterge jetti. Osy jetis­tik­terdiń baıandy, ıgilikti bolýyna Ál-Farabı atyndaǵy Qazaq ult­tyq ýnıversıteti zor eńbek sińirdi. QazUÝ ulttyq joǵary bilim men ýnıversıtettik ǵylymnyń jańa júıesin qalyptastyryp, damy­týda, zaman talabyna saı ınno­vasııalyq ónim óndirýde, halyq sharýa­shylyǵy úshin joǵary bilimdi, joǵary bilikti mamandar daıarlaýda, Qazaq­stannyń ıntellektaýaldyq áleýe­tiniń qaryshtap ósýi, eldiń yn­ty­­maǵy men birliginiń nyǵaıýy jo­lyn­da eren eńbegimen daralandy.

1993 jyldan 2000 jylǵa deıin fılologııa fakýltetiniń dekany bolyp eńbek ettim. Táýelsiz Qazaqstannyń joǵary bilim berý júıesindegi ózgeristerge saı ýnıversıtette fılologııalyq bilim berý isiniń normatıvtik qujattaryn jasaýǵa týra keldi. Bul aıtýǵa ońaı, al is júzinde ujymnyń birlesken shy­ǵar­mashylyq eńbegin, kúsh-jigeri men aqyl-oı qýatyn talap etken úlken mindet edi. Fakýltet uj­y­my bul mindetti talapqa saı oryn­dady.

2001-2008 jyldary ýnıver­sı­tet­tiń oqý jáne ádistemelik jumys jó­nindegi prorektory bolyp jumys iste­dim. Oqý isiniń sapasyn arttyrýǵa, ýnı­versıtettiń bilim berý qyzmeti sala­synda Sapa menedjmenti júıesin ja­saý men óndiriske engizýge zor kóńil bóldik. Joǵary jáne joǵary bilim­nen keıingi bilim berý deńgeıleri bo­ıyn­sha memlekettik úlgidegi dıp­lom­ jobasy jasaldy. Ol tıisti mem­le­ket­tik atqarý júıesinde bel­gili tártipte beki­tildi.

2009 jyldan beri qaraı Ál-Farabı atyndaǵy Qazaq ulttyq ýnıversıteti janyndaǵy Abaı ǵylymı-zertteý ınstıtýtynyń dırektory, professor qyzmetin atqaryp kelemin. Osy ýaqyt ishinde Abaı ǵylymı-zertteý ıns­tıtýty tolyq qalyptasyp, óz damýynyń jańa kezeńderine qa­dam basty. Instıtýttyń ǵylymı-aqparattyq resýrstary qalyp­tas­ty. Abaı ınstıtýtynyń vebsaıty ashylyp, onda Abaıdyń shy­ǵarmalary, ómiri men shyǵar­mashylyǵy týraly jazylǵan eńbekter jınaq­tal­dy. Instıtýt qyz­metindegi eleýli jetis­tikterdi nası­hattaý isi keń óris aldy. Úsh tilde (qazaq, orys, aǵylshyn) jumys isteı­tin saıtta táýligine eki myńǵa jýyq aqparattyq resýrs oqylatyn boldy.

Jarty ǵasyrymdy esigin ashyp, aýdıtorııasyna kirip, ózim bilim alyp, bilim óndirýge, jastarǵa bilim berýge arnaǵan ýnıversıtetime, bilim bergen ustazdaryma, qatar qyzmet etken zamandastaryma, keıingi izdenimpaz jastarǵa sheksiz qurmetimdi bildiremin.

Janǵara DÁDEBAEV,

fılologııa ǵylymdarynyń doktory, professor