Serbııa men Chehııada suhbat talqylandy

Instıtýt dırektory Branıs­lav Djordjevıchtiń aıtýynsha, Qazaqstannyń trans­for­ma­sııalyq joly Serbııalyq sarap­shylar qaýymdastyǵynyń qyzyǵýshylyǵyn týdyrdy, osy­ǵan baılanysty, serb tarapy Qazaqstannyń akademııalyq jáne «taldaý ortalyqtarymen» árip­testikti damytýǵa úmittenedi.

Kezdesý qorytyndysy bo­ıyn­sha, serbııalyq sholýshy­lardy Qazaqstanda bolyp jat­qan ishki saıası úderistermen, sondaı-aq elimizdiń syrtqy saıası basymdyqtarymen tanystyrýǵa baǵyttalǵan birqatar tájirıbelik jobany iske asyrý jóninde ýaǵ­da­lastyqqa qol jetkizildi.

Halyqaralyq saıasat jáne ekonomıka ınstıtýty – 1947 jyly qurylǵan jáne halyqaralyq qa­ty­nastardy zertteýge arnalǵan Ońtústik-Shyǵys Eýropadaǵy eń kóne ǵylymı-zertteý ınstıtýt­tar­dyń biri.

Budan bólek, Qazaqstannyń Chehııadaǵy elshisi Baqyt Dúısen­baev kórnekti saıasatker jáne ekonomıst, Chehııanyń eks-prezıdenti Vaslav Klaýspen kezdesti. Áń­gime barysynda halyqaralyq jáne ishki saıası kún tártibindegi ózekti máseleleri, sondaı-aq Qazaqstan men Chehııanyń taldaý ortalyqtary arasyndaǵy yntymaqtastyq perspektıvalary talqylandy.

Qazaqstan dıplomaty suh­bat­tasýshyny Qazaqstandaǵy aǵymdaǵy jaǵdaımen jáne Pre­zıdent Qasym-Jomart Toqaev bastamashylyq etken saıası jáne ekonomıkalyq reformalardyń barysymen egjeı-tegjeıli tanystyrdy. Atap aıtqanda, referendým aıasynda qabyldanǵan Kons­tıtýsııaǵa engizilgen ózge­ris­terdi túsindirip, saılaý zań­namasyndaǵy progressıvti jańa­lyqtardy atap ótti. Ekono­mı­ka­lyq ósýdi yntalandyrý sharalary jáne Ulttyq ál-aýqatty jaqsartý jónindegi basqa da mańyzdy qadamdar týraly habardar etti. Sondaı-aq Qazaqstan elshisi Memleket basshysynyń «Egemen Qazaqstan» gazetine bergen keń kólemdi suhbatynyń negizgi tustarymen tanystyrdy.

V.Klaýs Qazaqstannyń ja­handyq jáne óńirlik deń­geı­de qol jetkizgen jetis­tikterin jo­ǵary baǵalady jáne qazaq­standyq taldaý ortalyq­ta­ry­men ózara is-qımyl ornatýǵa qyzy­ǵý­shylyq bildirdi.