Foto: oqu_agartu
Oqý-aǵartý mınıstri Ǵanı Beısembaev Almaty qalasynda arnaıy jáne ınklıýzıvti bilim berý máseleleri boıynsha ǵylymı qoǵamdastyq pen úkimettik emes uıymdardyń ókilderimen kezdesti. 2024 jylǵa arnalǵan jumys jospary týraly Oqý-aǵartý mınıstrligi arnaıy jáne ınklıýzıvti bilim departamentiniń dırektory Laýra Butabaeva baıandady.
«Erekshe bilim berý qajettilikteri bar balalarǵa erte kómek kórsetý maqsatynda búgingi tańda psıhologııalyq-pedagogıkalyq túzetý kabınetteriniń sanyn arttyrý boıynsha jumys júrgizilýde. Qazir elimizde 215 PPTK jumys isteıdi, 2024 jyly qosymsha 9 túzetý kabınetin ashý josparlanǵan. Qazirgi kúni mektepterde 700-den astam ınklıýzııany qoldaý kabıneti jumys isteıdi, 2024 jyly olardyń sany taǵy 57 birlikke ulǵaıady. Sonymen qatar bıyl 14 PMPK ashylady. Dóńgelek ústelde sóz sóılegen Oqý-aǵartý mınıstri Ǵanı Beısembaev ınklıýzıvti bilim berý júıesin damytý memlekettik saıasattyń basym baǵyttarynyń biri ekenin atap ótti. Bul baǵytty damytýdyń mańyzdylyǵyn túsine otyryp 2023 jyldyń jeltoqsanynda mınıstrlik qurylymynda arnaıy jáne ınklıýzıvti bilim departamenti ashylǵany» jazylǵan aqparatta.
«Arnaıy bilim ár balamen jeke jumys isteýdi, ár balaǵa nazar aýdarýdy qajet etedi. Osy maqsatta Ulttyq úzdiksiz ınklıýzıvti bilim berý ortalyǵyn iske qosý josparlanyp otyr. Sonymen qatar biz kadrlardy daıarlaý jáne qaıta daıarlaý máselesin qarastyramyz. Sondyqtan pedagogter oqytatyn joǵary oqý oryndarynyń baǵdarlamalaryna «ınklıýzıvti bilim berý» modýlin qosý josparlanyp, pedagogter úshin biliktilikti arttyrýdyń jańa kýrstary ázirlenýde», dedi Ǵanı Beısembaev.
Jıynǵa qatysýshylar ulttyq ortalyq balalarǵa bilim berýdi nyǵaıtatynyn aıtyp, ıgi bastamany qoldady.
