Foto: Ukimet telegram arnasy
Sonyń ishinde mınıstr bir taýarǵa qolma-qol aqsha men mobıldi aýdarym (karta, QR) kezinde eki túrli baǵa usynatyn kásipkerlerdiń isin zańsyzdyq dep atady.
Mınıstr mundaıda birinshi kezekte tutynýshynyń quqyǵy buzylatynyn alǵa tartty. Ol satyp alýshy ózine yńǵaıly tásilmen tólem jasap, mobıldi tólem kezinde artyq aqsha suratqan kásipkerdiń ústinen shaǵymdanýǵa quqyly ekenin aıtty.
«Qazaqstan Respýblıkasynda tólemder men tólem júıesi týraly arnaıy zań bar. Ol jerde tólemderdiń túrleri qolma-qol nemese qolma-qolsyz aqshamen dep kórsetilgen. Qolma-qolsyz aqsha banktik kartalar men QR arqyly tólenedi. Eger kásipkerler tek qana qolma-qol aqsha talap etse, bul jerde tutynýshylardyń quqyqtary buzylady. Sondyqtan mundaı talaptar zańsyz dep esepteledi. Qolma-qolsyz tólem jasaǵan kezde baǵaǵa ústine qosyp satý faktileri tirkelgeni anyqtalyp jatyr. Bul da zańsyz. Sebebi taýardyń baǵasy qolma-qol aqshamen, qolma-qol emes te bir baǵa bolý kerek. Mundaı jaǵdaılar bolsa arnaıy CALL ortalyq 1414 nomerine habarlasýǵa bolady nemese jergilikti kirister komıtetiniń organdaryna shaǵymdansa biz ondaı faktilerdi tekserip, tıisti sharalar qabyldaımyz», dedi Erulan Jamaýbaev.
