«Nomad» top jardy

Elordalyq ujym Polshanyń «Ka­tovıse» komandasymen kezdesti. Match barysynda hokkeıshiler tartysty oıyn ótkizdi. Birinshi kezeńde esep ózgerissiz qalǵanymen, ekinshi kezeńde «Katovıse» oıynshysy Raıan Kýk 35-mınýtta esep ashyp ketti. Alaıda araǵa 2 mınýt salyp «Nomad» sapynan Maksım Mýsorov (37-mınýtta) tarazy basyn teńestirdi.

Úshinshi kezeńde Oleg Boıko – 41, Alan Gatııagov 53-mınýtta elordalyq klýbtyń ba­symdyǵyn arttyra tústi. Osylaısha, «No­mad» qar­sylasyn 3:1 esebimen tize búkti­rip, Qur­­lyq­tyq kýbok oıyndarynyń jeńimpazy atandy.

Fıodor Polıshýk jattyqtyratyn «No­mad» alǵashqy eki oıynda «Hernıng Blıý Foks» (Danııa) klýbynan 5:2 esebimen basym tússe, Ýelstiń «Kardıff Devılz» hokkeıshilerin 7:2 esebimen oısyrata jeńdi.

Qurlyqtyq kýbok Halyqaralyq shaıbaly hokkeı federasııasy aıasynda 1997 jyldan beri turaqty túrde ótkizilip keledi. Búginge deıin elimizdiń atynan qa­tys­qan Kók­shetaýdyń «Arlan» komandasy 2018/2019 jylǵy týrnırde bas júl­deni jeńip alǵan. Sondaı-aq ár jyldarda «Beıbarys» (Atyraý), «Saryarqa» (Qa­raǵandy), «Nomad» (Astana) 2-orynǵa jaıǵassa, «Qazsınk-Torpedo» (О́skemen) qola júldeger atanǵan edi.