Depýtattardyń talqylaýyna birinshi oqylymda ekologııalyq taza kólikti tanymal etý jáne elektromobılderge arnalǵan ınfraqurylymdy damytý máseleleri týraly zań jobasy usynylady. Zań jobasy Májilis depýtattarynyń bastamasymen ázirlendi. Qujat elektromobılderge arnalǵan ınfraqurylymdy damytýǵa, elektr qozǵaltqyshy men ishten janý qozǵaltqyshy bar kólik júrgizýshileri arasyndaǵy daýly máselelerdi sheshýge, sondaı-aq elektr zarıadtaý stansalaryn ornatý jónindegi qyzmetti retteý úshin quqyqtyq tetikter qurýǵa múmkindik beredi.
Sondaı-aq Májilistiń qaraýyna Halyqaralyq sý aǵyndaryn keme júrmeıtin paıdalaný túrleriniń quqyǵy týraly konvensııa men EAEO sheńberinde medısınalyq buıymdar aınalasynyń biryńǵaı qaǵıdattary men qaǵıdalary týraly kelisimge engiziletin túzetýlerdi ratıfıkasııalaý týraly zań jobalary engiziledi.
Aldaǵy jalpy otyrysta Palata komıtetteri birqatar jańa zań jobasyn jumysqa alady. Olar: «QR sot júıesi men sýdıalarynyń mártebesi týraly» Konstıtýsııalyq zańǵa engiziletin túzetýler, Sý jáne Qurylys kodeksteriniń jobalary, aýmaqtyq qorǵanys týraly zań jobasy, dene shynyqtyrý jáne sport máseleleri boıynsha túzetýler, sondaı-aq birqatar halyqaralyq kelisim.
