Oljaly oqýshylar

Almatydaǵy Abaı atyndaǵy da­ryn­dy balalarǵa arnalǵan mamanda­ryl­ǵan mektebi men №124 orta mekte­biniń, Semeı qalasynyń Sh.Qudaı­ber­diuly atyndaǵy kópsala­ly mektebiniń bilim alýshylary Indonezııanyń Depok qalasynda ótken FIRST Tech Challenge robottehnıka boıynsha ótken ashyq birinshiliginde joǵary nátıjege qol jetkizdi. Chempıonatqa 9-11 synyp oqýshylarynan qurylǵan «Antares», «124», «Zaman» jáne «Shanyraq» komandalary qatysty.

Al jalpy saıysta Ońtústik-Shyǵys Azııa elderinen kelgen 150 jas ro­bottehnık baq synasty. Olar bir­neshe kún boıy jasaǵan jumysta­ryn qorǵap, nátıjesinde eń úzdik jobalar anyqtaldy. Sonyń ishinde elimizdiń namysyn qorǵaǵan komandalar jeti júldeni qorjynǵa saldy. Atap aıtsaq, «124» komandasy Control Award boıynsha 1-oryn, Think Award boıynsha 3-oryn, Connect Award boıynsha 3-oryn ıelendi. «Antares» komandasy Finalist award boıyn­sha 2-oryn, Think Award boıyn­sha 1-oryn, Control Award boıynsha 1-oryndy oljalady. «Shanyraq» komandasy Robot game boıynsha 3-oryndy máse tutty.

Almaty qalasynyń №124 orta mektebinen qatysqan «124» koman­dasynyń jattyqtyrýshysy Bekzat Amanovtyń aıtýynsha, oqýshylar laıyqty nátıje kórsete bildi. «Biz chempıonatqa robottehnıkaǵa jańadan qosylǵan komandalarymyzdy halyqaralyq komandalarmen tájirıbe almassyn dep alyp keldik. Sonyń ózinde Indonezııa chempıonatyna álemdik kezeńge iriktelgen myqty komandalar qa­tysatynyn bilgenimizde tań qal­dyq. Komandalardyń robottehnıkada 4-5 jyldyq tájirıbesi bar bolsa da, jarysqa birinshi ret qatys­qan oqýshylarymyz olarmen teń dáre­jede baq synasty. Bizdiń oqýshylar fınaldyq oıyndarǵa deıin ótip, tóreshilerden joǵary baǵa alǵan kezde qatty qýandyq», deıdi bapker.

Aıta keteıik, Indonezııada ótken chempıonatqa joldamany oqýshylar ótken jyldyń jeltoqsan aıynda Oqý-aǵartý mınıstrliginiń jáne Almaty qalasy ákimdiginiń qoldaýymen USTEM Foundation qoǵamdyq qory uıymdastyrǵan Almaty Tech Cup respýblıkalyq týrnırinde jeńip alǵan bolatyn.