Foto: QazTAG
Tına Kandelakı óziniń Telegram-paraqshasynda Qazaqstanda orys tiliniń qoldanylý aıasy tym shektelip jatqanyn jazǵan bolatyn. Ol «Ýralsk» ataýynyń – «Oral», «Ýzen» ataýynyń «Jańaózen» dep ózgerýi kúmán týdyratyn sheshim ekenin jetkizgen.
Onyń bul pikirine Dınara Sátjan jaýap berdi.
- Birinshiden, biz táýelsiz memleketpiz. «Esikten kirip, tór meniki deme» degen maqal bar. Sondyqtan temirjol stansalaryna qandaı ataý beretinimizdi ózimiz sheshemiz.
Ekinshiden, Qazaqstan egemen jyldarynda keńestik bıliktiń saldarynan joǵaltyp alǵan ana tilin qaıtaryp jatyr.
Úshinshiden, orys tili – ultaralyq qarym-qatynasqa arnalǵan resmı til, al qazaq tili – memlekettik til. Bul Konstıtýsııada kórsetilgen, – dedi jýrnalıst.
Otandyq telejúrgizýshi temirjol stansalaryna tarıhı ataýlary qaıtarylyp jatqanyn eske saldy.
- Bul jerde orys tiliniń qoldanylý aıasyn shekteý degenniń qatysy qansha? Biz óz elimizde memlekettik tilden bólek orys jáne aǵylshyn tilderinde de sóıleımiz. Bizdiń kúshimiz osyda! – dep jazdy Dınara Sátjan.
