Mınıstrlik málimetinshe, jyl saıynǵy dástúrge saı aqpan aıynda 185 myń teńge kólemindegi bir rettik materıaldyq kómek Aýǵan soǵysynyń ardagerlerine beriledi.
10 jylǵa sozylǵan (1979-1989 jj.) Aýǵan soǵysyna Qazaqstannan 22 myń azamat qatysty. Bıyl «Aýǵanstan Demokratııalyq Respýblıkasynan Keńes áskerleriniń shyǵarylǵanyna 35 jyl tolady.
Aýǵan ardagerlerine beriletin materıaldyq kómek mólsherin ár óńirdiń múmkindigine qaraı jergilikti máslıhat bekitedi.
«Tólemderdiń ártúrli bolýy soǵysta birdeı zardap shekken azamattar arasynda túsinbeýshilik týdyrýy múmkin. Bizdiń usynysymyzdy qarap, óńirlerdegi quzyrly organdar 50 AEK (184,6 myń teńge) kóleminde biryńǵaı «birjolǵy áleýmettik kómek» tóleý týraly sheshim qabyldady. Endi jergilikti máslıhattar óz sheshimderiniń jobalaryna ózgeris engizýi kerek. Sonymen qatar barlyq aýǵan ardagerleri erekshe dataǵa oraı arnaıy medalmen marapattalady», dedi Aýǵan soǵysy ardagerleri uıymdarynyń «Qazaqstan ardagerleri» qaýymdastyǵy tóraǵasy Baqytbek Smaǵul.
Aıta keteıik, bir rettik tólem tek «aýǵan soǵysy ardageri» mártebesin alǵan azamattarǵa beriledi.
