Qaıǵyly oqıǵaǵa qatysty Úkimette komıssııa qurylyp, nátıjesinde shahtadaǵy apatqa 100 paıyz jumys berýshi kináli dep tanylǵan bolatyn.
Tergeýdi jalǵastyrǵan Bas prokýratýra istiń támamdalýǵa jaqyn ekenin jetkizip, 9 laýazymdy tulǵanyń qamaýǵa alynǵanyn habarlady.
«Saldarynan 46 kenshi qaza tapqan Kostenko atyndaǵy shahtadaǵy jarylystardy tergeý aıaqtalyp jatyr. Shahtanyń 9 laýazymdy adamy kúdikti retinde tanylyp, qamaýǵa alyndy», delingen habarlamada.
Aıta keteıik, dál osy apattan keıin «Kostenko» shahtasynda kómir óndirý tolyq toqtatylyp, kompanııanyń ınvestory aýysty.
