Sport • 17 Qańtar, 2024

Kúlli álem kóz tikken jarystyń tızeri jarııalandy

345 ret

kórsetildi

1 mın

oqý úshin

Kúlli álem kóz tikken V Dúnıejúzilik kóshpendiler oıyndary qyrkúıek aıynyń 8-14 kúnderi aralyǵynda Astanada ótedi. 100-den astam elden 4000-ǵa jýyq sportshy qatysyp, Astanaǵa 100 myńnan astam týrıst keledi. At sporty, ulttyq kúres túrleri, sadaq atý, jamby atý, dástúrli ıntellektýaldy oıyndar, saıatshylyq óner, arqan tartý sekildi oıynnyń 20 túrinen jarys jáne ulttyq ónerdiń 10 túrinen arnaıy kórsetilim saıysy ótedi, dep habarlaıdy Egemen.kz Týrızm jáne sport mınıstrliginiń Telegram paraqshasyna silteme jasap.

Shyńǵys MUQAEV

Kúlli álem kóz tikken jarystyń tızeri jarııalandy

Foto: Vıdeoskrın

V Dúnıejúzilik kóshpendiler oıyndarynyń ashylý saltanaty «Astana-Arena» stadıonynda, jabylýy 10 myń adamdyq «Qazanat» ıppodromynda ótetini josparlanǵan. «Qazanat» ıppodromy aýmaǵynda «Kóshpendiler álemi» etnoaýyly qurylady.

Bir kúnde 30 myń kelýshini qabyldaıtyn etnoaýylda Qazaqstan men álem elderiniń úzdik qolóner sheberleriniń kórme-jármeńkesi, sheberlik sabaqtary, aqyndar aıtysy men tól mádenıetimizdi pash etetin qosymsha is-sharalar uıymdastyrylady.

V Dúnıejúzilik kóshpendiler oıyndarynyń urany – «ULY DALA DÚBIRI».