Tabandy ofıser

Ajaldyń aýzynan aman qalǵan Andreı Sergeevıchtiń ómirin erlik pen patrıotızm­niń úlgisi dese de bolady. Qaýipti qylmysker­ler­di ustaý kezinde aýyr jaralanǵan, sol kezden beri on jyldan asa ýaqyt ótipti. Syn saǵat­ta ómir men ólim arasynda qalǵan Andreı Volkov pen onyń eki áriptesi aýrýhanaǵa jetkizilgen bolatyn. Azapty kúnderdi birge bastan keshirgen áriptesiniń bireýi jaraqat saldarynan birneshe jyldan soń qaıtys boldy. Iá, qylmystyq top múshelerin ustaý kezinde alǵan jaraqat iz-túzsiz jazylyp ketken joq. Talaı taǵdyrǵa aýyr synaq berdi, jazyqsyz jandardyń ómirin úzdi.

Sáýirdegi sol oqys oqıǵany polısııa podpolkovnıgi Andreı Volkov pen onyń áriptesteriniń denesindegi otadan keıingi tyrtyqtar ár ýaqyt eske salyp turady. Árıne, arnaıy bólim jigitteriniń qylmyskerlerdi ustaýǵa attanǵan árbir sapary qaýip pen qa­terge toly. Alaıda Andreı sol kúngi shabýyldaý operasııasyn esine túsirgisi de kelmeıdi.

«Adam ómiriniń ár sáti qaýipti. Joldy kesip ótip bara jatqan adamnyń ómiri de qyl ústinde turmaı ma? Al qanquıly qylmyskerlerden keletin qaýipti aıtpasa da túsinikti», deı­di ol. Sol kúni kópqabatty úıdegi bir páter­ge jasyrynǵan qylmyskerlerdiń úıdiń kire­beri­sinde atysyp jatqany týraly habar tú­sedi. Ýaqyt keshki 8-der shamasy bolatyn. Polı­seıler oqıǵa ornyna birneshe mınýtta je­tip úlgerdi. Úı aýlasynda qylmyskerlerdi qarý­syzdandyrý jáne qolǵa túsirý jumystary bastalyp ta ketipti. Polıseıler ótkizgen ar­naıy operasııa barysynda qylmyskerler quryqqa tústi. Bul qylmystyq top músheleri adam óltirý jáne basqa da asa aýyr qylmystar jasady degen kúdikpen ustaldy.

Arnaıy operasııany qıyndatqan jaǵdaı – atys-shabystyń beıbit turǵyndar tura­tyn úıde bolǵany edi. Andreı Volkov shabýyldaý tobynyń quramynda qylmys­tyq toptyń músheleri bekingen páterge basyp kiredi. Qarýly qylmyskerlerdiń tártip saq­shylaryna ońaılyqpen berilmeıtini belgi­li. Eki jaqtyń qaısysyna oq tıip, taǵdyr talqany taýsylatyny da belgisiz. Qylmystyq toptyń jetekshisin ustaý kezinde granata jarylyp, qylmyskerlerdiń bireýi qaza tapty, al polısııa qyzmetkerleri aman qalǵanmen, birazy aýyr jaraqat aldy.

Olar tıisti em qabyldap, saýyqtyrý sharalarynan keıin arada alty aı ótkende qaıtadan sapqa turdy. Andreı de áriptesterimen birge qyzmetke oralǵanmen, protez taban onyń qalypty ómirine qıyndyq týdyrmaı qoıǵan joq. Arnaıy bólimde qyzmet ótkerý saý adamnyń ózine ońaı emes, al jasandy tabanmen saqshylyq qyzmettegi synǵa tótep berý, normatıvter tapsyrý qansha qıyn bolǵanmen, ol saý adamdardan qalysqan joq. Tula boıyndaǵy búkil jigerin jumsady. Jaraqattanǵan qyzmetkerlerge qoıylatyn talap ta ózgergen joq. О́ıtkeni arnaıy bólimniń eń ereksheligi de osynda edi.

A.Volkov zeınetkerlikke shyqqannan keıin IIM M.Esbolatov atyndaǵy Almaty akade­mııasyna jumysqa shaqyryldy. Búginde ol arnaıy jedel áreket etý jasaǵynyń bolashaq qyzmetkerlerine atys daıyndyǵynan dáris beredi. Ofıser-ustazdyń basty mindetteriniń biri – bolashaq polısııa qyzmetkerlerine qarý qoldanýdy úıretý, qajet bolǵan jaǵdaıda qarý atýǵa psıhologııalyq turǵydan daıyn bolý. «Qarýǵa qurmetpen qaraý kerek. Onyń adam ómirin saqtap qalatyn da kezderi kóp. Men úshin bolashaq ofıserlermen qoıan-qoltyq aralasý óte qyzyq. Sabaqtar tırde jáne oqý polıgonynda ótedi. Polısııada jumys isteý óte jaýapty sheshim, sondyqtan da únemi olarǵa «Polısııaǵa kelmes buryn jaqsylap oılanyńyz. Eń aldymen, «Siz po­lısııaǵa júktelgen jaýapkershilikti kótere alasyz ba?» degen suraqty jıi qoıamyn. Eń bastysy, qıyn sátte birin-biri satpaý kerek», deıdi Andreı Sergeevıch.

«Biz tyńdaýshylardy batyldyq pen pat­rıotızmge tárbıelegende olarǵa ózi­miz úlgi bolýymyz kerek. Mańyzdy mindet­ter­diń biri – polısııa qyzmetkerlerin tárbıe­leý jáne kásibı biliktiligin arttyrý jumys­ta­ry­na ardagerlerdi keńinen tartý. Biz arda­ger­lerdiń áleýetin paıdalana otyryp, tá­lim­gerlik ınstıtýtyn damytýmen qatar olar­dy ustazdyq qyzmetke de shaqyramyz. Qu­qyq­tyq tártip máselesine kelgende óz isine be­rilgen azamattardyń beıjaı qalmaı, baı tájirıbelerimen bólisetini qýantady. Solardyń biri – polısııa podpolkovnıgi A.Vol­kov», deıdi Almaty akademııasynyń bu­rynǵy basshysy, taıaýda ǵana Ishki ister mınıstriniń orynbasary laýazymyna taǵa­ıyndalǵan polısııa general-maıory Aıdar Saıtbekov.

A.Volkov ishki ister organdaryna 2005 jyly keldi. Ony tártip saqtaý salasyna jetelegen bala kezindegi armany edi. Ol armany tosynnan paıda bolǵan joq. Andreı bala kezinen arnaıy jedel áreket etý jasaǵynda isteıtin ákesi Sergeı Arhıpovtyń symdaı tar­tylǵan júrisine, qylaý juqtyrmaı qur­metteıtin pogondy kıimine qyzyǵyp ósti. Sol qyzyǵýshylyq keıin armanyna aınalyp, forma kıgen adamdarǵa degen qurmetke aýysty.

Sergeı Ivanovıch Andreıdiń boıyna bala kezinen-aq jaýapkershilik, batyldyq sııaqty qasıetterdi sińirip ósirdi. Sondyqtan bolar Andreı áskerden keıin mamandyq tańdaý týraly másele týyndaǵan kezde oılanbastan polısııany tańdady. Ishki ister organdarynda uzaq jyl qyzmet etken ofıser kóp qıyndyq kórgenimen, osy mamandyqty tańdaǵanyna eshqashan ókingen emes. Árıne, A.Volkovtyń polısııadaǵy ómiri ońaı bolǵan joq. Sonda da ol óziniń jasóspirim ulyna adam ómirdegi óz jolyn júreginiń qalaýymen tańdaýy kerek ekenin jıi aıtady. «Eshteńege ókinbeımin. Iá, bir kúniń sátsiz bolsa da, búkil ómir sátsizdikten turmaıdy. Adamnyń óz ómiri óz qolynda, árkim óz taǵdyrynyń sáýletshisi». Onyń ómirlik fılosofııasy osyndaı.