SpaceX-pen birge A.Gezeravjynyń sapary Túrkııanyń ǵaryshty ıgerýdegi jyldar boıǵy tynymsyz kúsh-jigeriniń nátıjesi deýge negiz bar.
Túrkııa 2018 jyldyń 13 jeltoqsanynda óziniń ǵarysh agenttigin qurý arqyly aýqymdy josparlaryn júzege asyrýǵa kiristi. Túrkııa prezıdenti Rejep Taıyp Erdoǵan irgesin qalaǵan TUA agenttiginiń mindetteri Ulttyq ǵarysh baǵdarlamasyn daıyndaý jáne júzege asyrýdy qamtıdy.
- 2021 jyldyń 9 aqpanynda Túrkııa memleketiniń basshysy Ulttyq ǵaryshtyq baǵdarlamasyn tanystyrdy. Qujattyń on maqsatynyń ishinde HǴS-qa túrik azamaty qatysatyn mıssııa da bar. Gezeravjy ǵaryshqa alǵashqy ushýyn jasaıdy. Osylaısha Túrkııanyń ǵaryshty zertteýdegi kúsh-jigeri jańa ólshemge ıe bolady.
Aldaǵy ýaqytta da Úkimet Ulttyq ǵarysh baǵdarlamasynyń maqsattaryna qol jetkizý úshin belsendi jumys isteıdi. Osylaısha, ekinshi túrik astronavty Týva Djıhangır Atasever sáýir aıynda Aıǵa attanady, - dep jazdy Anadolý agenttigi.
Sonymen qatar, Túrkııa jahandyq kompanııalarmen tıimdi básekelese alatyn jańa býyn spýtnıkterin óndirýde óz brendin qurýdy maqsat etip otyr. Erdoǵan bul qujat aıasynda Túrkııanyń «ǵarysh salasyndaǵy ekonomıkalyq júıesin» odan ári damytatynyn atap ótti.
Endi túrik halqy taǵy bir mańyzdy kezeńge daıyndalýda, óıtkeni el óziniń alǵashqy otandyq baılanys serigi Turksat 6A ushyrýdy josparlap otyr. Onyń iske qosylýy 2024 jyldyń ekinshi toqsanynda delingen derekte.
Osylaısha, Túrkııa ǵaryshty kommersııalyq paıdalanýdan túsetin kiristi 600 mıllıard dollarǵa jáne 1 trıllıon dollarǵa deıin arttyrý maqsatyna senimdi qadamdar jasaýda.
