Sýretterdi túsirgen – Erlan OMAR, «EQ»
Suhbat mańyzdy máselelerdi nazardan tys qaldyrmaı, qoǵam ómiriniń barlyq salasyn qamtyp, barynsha jatyq, túsinikti tilmen tolyqqandy berilgen. Prezıdent ult múddesi eshqashan esten shyǵarylmaıtynyn jurtshylyq nazaryna jetkizdi. Halyq arasynda túrli kózqaras, túrli pikir týǵyzǵan Qańtar oqıǵasy týraly, Qazaqstanǵa Reseıdiń áskerı qyzmetshilerin shaqyrý týraly qoıylǵan salmaqty saýalǵa Prezıdent
egjeı-tegjeı toqtalyp, sol bir dúrbeleń qasirettiń bastalýy, etek alyp órbýi, qandaı qıyn syndarly sátterdi bastan keshýge týra kelgeni týraly keńinen áńgimeledi. Qańtar oqıǵasy kezinde egemendigimiz ǵana emes, eldigimizden de aıyrylyp qala jazdadyq. Osyndaı syndarly ýaqytta Memleket basshysy tabandylyǵy men qaısar mineziniń, batyl sheshimderiniń nátıjesinde, qaısarlylyq tanytyp, eldigimizdi, egemendigimizdi saqtap qaldy.
Suhbat barysynda elimizdegi saıası reformalardyń 2019 jyly bastalǵany, saıası jańǵyrý úderisi 2022 jyly tyń qarqynmen jalǵasqany aıtyldy. Ata zańnyń ústemdigin qamtamasyz etetin, konstıtýsııalyq baqylaýdy júzege asyratyn joǵary organ – Konstıtýsııalyq sot qaıta qalpyna keltirilgeni sóz boldy. Ekonomıka baǵytynda da keleli oı aıtyldy. Ádiletti Qazaqstannyń jańa ekonomıkalyq baǵdary jarııalanǵany, mańyzdy mindet – ınvestısııa tartý, qomaqty ınvestısııa bolsa, ekonomıka qarqyny údeıe túsip, jańa múmkindikter paıda bolatyny sóz boldy. Soǵan oraı, Investısııa shtabyn qurý týraly Jarlyqqa qol qoıylǵanyn jetkizdi. Prezıdenttiń tapsyrmasymen Úkimet memleket pen bıznestiń qarym-qatynasyn qaıta qaraýǵa múmkindik beretin jańa Salyq kodeksin ázirlep jatqany aıtyldy. Memleket basshysy Salyq júıesin jetildirý, jańa Bıýdjet kodeksi turǵysynda óz oıyn jetkizdi.
«Biz ozyq oıly ult retinde tek qana alǵa qaraýymyz kerek!» taqyrybyn arqaý etken suhbat el ómirindegi kóptegen túıtkildi máseleni qamtyǵan. Suhbattyń parasatty ári paıymdy túıini bárimizdiń oıymyzdan shyǵyp, kókeıdegini jetkizgeni aqıqat. Biz de suhbattaǵy pikirlerge tolyǵymen qosylamyz, quptaımyz, qoldaımyz. Ádiletti Qazaqstannyń qalyptasýyna úles qosý – árqaısysymyzdyń negizgi azamattyq boryshymyz.
Syr óńirinde keıingi jyldary atqarylyp jatqan jumystar eldegi birlik pen berekeni tanytady. Aımaǵymyzdaǵy ana men balaǵa degen qamqorlyq, densaýlyq, bilim salasyndaǵy jetistikterdi atap aıtýǵa bolady. Salynǵan jáne jaqynda iske qosylatyn О́ner ortalyǵy, Otbasy ortalyǵy, mektepter, daryndy balalarǵa arnalǵan arnaıy mektep, Qan ortalyǵy, jóndelip jatqan joldar, tap-taza qala kelbeti bári-bári – oblys basshysynyń Prezıdent tapsyrmalaryn oryndaýdaǵy, ádiletti Qazaqstan jolyndaǵy nátıjeli eńbegi. Bir sózben aıtqanda, Qyzylorda oblysynyń damýy Memleket basshysynyń ustanymyn, jarqyn ıdeıalaryn júzege asyrýda áleýetti deýge bolady.
Qylyshbaı BISENOV,
akademık,
Ulttyq quryltaı múshesi
