Kún tártibi bekitildi

Depýtattardyń talqylaýyna baılanys, sıfrlandyrý jáne aq­pa­rattandyrý salasynyń ınves­tısııalyq ahýalyn arttyrý má­seleleri týraly zań jobasyn birinshi oqylymda qaraý usynyldy.

Depýtattardyń bastamasymen ázirlengen zań joba tele­kom­mýnıkasııalyq ınfraqu­rylym­dy damytýǵa, qalalar men aýyl­dyq eldi mekenderde baı­lanystyń qoljetimdiligin qamtamasyz etýge jáne sapasyn jaqsartý úshin jaǵ­daı jasaýǵa baǵyttalǵan. Túzetý­ler spýtnıktik tehnologııalar men ınnovasııalardy qoldaný aıasyn keńeıtýdi qamtamasyz etýdi kózdep otyr.

Sondaı-aq eki ratıfıkasııalyq joba usynylady. Olar – Qazaqstan men Qyrǵyz Úkimetteri arasyndaǵy avıasııalyq izdestirý jáne qutqarý salasyndaǵy yntymaqtastyq týraly kelisim jáne Qazaqstan men Lıtva arasyndaǵy azamattyq, otbasylyq jáne qylmystyq ister boıynsha quqyqtyq kómek pen quqyqtyq qaty­nastar týraly shartqa ózgeris engizý týraly hattama.

Budan basqa depýtattar «Qazaq­stan Respýblıkasynyń sot júıesi jáne sýdıalarynyń mártebesi týraly» Qazaqstan Respýblıkasy­nyń Konstıtýsııalyq zańyna ózge­ris­ter men tolyqtyrýlar engizý tý­raly» Konstıtýsııalyq zańy­nyń jobasy boıynsha Parla­ment Palatalarynyń birlesken komıssııasynyń quramyn saılaıtyn bolady.

Sonymen qatar Májilis komıteti Qarjy naryǵyn damytý jáne qarjylyq kórsetiletin qyz­met­terdi tutynýshylardyń quqyq­taryn qorǵaý máseleleri boıynsha túzetýlerdi jumysqa alady.