Aýyldaǵy mádenıet úıi

Aýyldaǵy mádenıet úıi­niń ashylý saltanatyna ob­lys ákiminiń orynbasary Tilep­bergen Qaıypov pen oblystyq mádenıet jáne tilderdi damytý basqarmasynyń basshysy Saıran Dúısentegi arnaıy keldi.

– Aýyldyq eldi meken­derdiń áleýmettik-ekonomı­ka­lyq ahýalyn jaqsartý úshin memle­ket tarapynan irgeli baǵ­darlamalar qolǵa alynyp otyr. Bir ǵana bizdiń Batys Qazaqstan oblysynda 2023 jyly 17 mekteptiń qurylysy aıaqtaldy. Osy aýdannyń ózin­­de birneshe feldsherlik-ambýlatorııalyq pýnkt salyn­ǵanyna ózderińiz de kýá­siz­der. Bú­gin, mine, «Aýyl – el be­sigi» baǵdarlamasy boıynsha má­denıet úıi paıdalanýǵa berilip otyr. Osyndaı jaqsy ister 2024 jyly da jalǵasady, – dedi Tilepbergen Qaıypov.

Jańa ǵımarattyń qury­lysyna 500 mln teńgeden as­tam qarjy jumsalǵan eken. Mer­diger «Qaldyǵaıty» JShS 15 aıǵa josparlanǵan qurylys jumysyn merziminen buryn 9 aı ishinde aıaqtap shyqqan. Eki qabatty ǵımaratta keń foıe, konsert zaly, jekelegen qyzmettik kabınetter, jaıly ájethana, tipti dýsh kabınalary da bar. Bes adamdyq shtaty bar mádenıet úıinde dombyra, kórkemsóz, vokal jáne án-bı úıirmeleri jumys isteıtin bo­lady.

Aýyldaǵy mádenıet osha­ǵynyń jańa maýsymy aýdan­dyq halyq teatry ártisteri da­ıyn­daǵan G.Hýgaevtyń «Qara shekpen» atty ápsana-qoıy­lymymen ashyldy.

Batys Qazaqstan oblysy