Jańa dúkenniń ashylýyna aýdan basshysy Rýslan Kenjebekov qatysyp, quttyqtaý sózin jetkizdi.
– Azyq-túlik baǵasyn turaqtandyrý – halyq qamy. Osy rette mundaı dúkenderdiń septigi mol. Turǵyndardyń qaltasyn qaqpaı, turmysyn túzeýge múmkindik beredi. Bul azyq-túlik dúkeniniń ereksheligi – halyq kúndelikti birinshi kezekte tutynatyn azyq-túlik ónimderin tómen ári belgilengen baǵada satyp alady. Dúken sóresinde turǵan azyq-túlikter, rasymen, áldeqaıda arzan. Halyq ıgiligine jarasyn. Aldaǵy ýaqytta osyndaı dúkender kóptep ashylsa, qarapaıym halyqtyń turmys jaǵdaıy jaqsaratyny sózsiz, – dedi Rýslan Aıtykenuly.
Aıta keteıik, «Móldir álem» atty azyq-túlik dúkeniniń ıesi jeke kásipker Baıan Ysqaqova baǵany turaqtandyrý aıasynda «Aınalym shemasy» tetigin iske asyrý úshin «Saryarqa ÁKK» AQ arqyly qarajat alyp otyr. Mundaı baǵyttaǵy jumystar ármen qaraı jalǵasa beredi.
Qaraǵandy oblysy,
Aqtoǵaı aýdany
