Qurylys jumysyn júrgizip jatqan merdigermen 2 mlrd teńgeden asatyn qarjyǵa kelisimshart jasalǵan. Eń ókinishtisi, ǵımarattyń irgetasyn salý kezinde qoldanystaǵy memlekettik standarttyń buzylý jaılary anyqtalyp otyr. Qurylys jumysyn júrgizip jatqan «Rıgolıt» seriktestigine qatysty oryn alǵan olqylyqtar atap kórsetilip, hattama toltyryldy. Kemshilikti joıý týraly uıǵarym shyǵaryldy. Selınograd aýdandyq sotynyń qaýlysymen seriktestikke negizgi jobadan aýytqyǵany úshin lısenzııasynan aıyrýsyz 1 932 000 teńge mólsherinde aıyppul salyndy.
Osylaısha, óńirdegi qurylys jumystarynyń barysy qatań qadaǵalanyp jatyr. Saqaldy qurylystarǵa baǵyttalatyn qarjy kólemi jyl saıyn ózgeriske ushyrap, qurylys materıaldary qymbattap ketti degen jeleýmen túzetýler engiziledi. Bul degenińiz – bıýdjet úshin aýyr salmaq. Endigi arada jaýapkershilik kúsheıtilip, qazynanyń ár tıyny tıimdi jumsalýy qatań qadaǵalanatyn bolsa, burynǵy jaıbasarlyqtan arylar edik.
Aqmola oblysy,
Selınograd aýdany
