Memleket basqarý – jaýapty is

Qazirgi qoǵamdy memlekettik qyzmetshilerdiń ustyny, is-áreketi oılandyrady. Memleket basshysy osy oraıda: «Olar bilimdi, bilikti ǵana emes, sózi men isi úılesetin, tııanaqty, tártipti arly adam bolýy shart», degen ustanymyn bildirip otyr. Al jas memlekettik qyzmetshiler týraly «Jas basshylarǵa kóbine tájirıbe jetispeıdi. Menmendigi jáne ózine degen synı kózqarastyń álsizdigi, keıde olardyń óz qarym-qabiletin joǵary deńgeıde kór­setýine kedergi keltiredi», dep ádil baǵasyn berdi. Sondyqtan búgingi jas basshylar «Teorııasyz praktıka soqyr, al praktıkasyz teorııa aqsaq» degen ǵulamalar qaǵıdasyn ustanǵany jón.

Suhbatta «Bizdiń halyq asa da­nyshpan» dep jalǵan keýde soǵatyndardyń bar ekenine ótkir syn aıtyldy. Shyndyǵynda, ótken tarıhtaǵy jetistikterimizdi sanamalaı bermeı, búgingi kreatıvti tehnologııaǵa ilese bilýimiz qajet. Prezıdenttiń «Jańa jyl men úshin qasterli mereke emes. О́zi­miz­diń tól jańa jylymyz – áz Naýryzdy esten shyǵarmaǵan jón», degeni otanshyl, patrıot ekenin baıqatady.

Memleket basshysynyń el bas­­qarýǵa qatysty aıtqanyn túıin­der bolsaq, qazaq halqynda «Han azsa, halyq adasady. Halyq azsa, handyqqa talasady» degen qanatty sóz bar. Osy turǵydan aıtqanda, memleket basqarý ońaı emes, jaýap­ty is degenge toqta­ǵy­myz kele­di. Al is basyndaǵy Prezıdent mem­­lekettik bılikti de azdyrmaı, buqa­ra­ny da týra joldan adastyrmaı, ádi­letti qoǵam men adal adamdy qalyp­tas­ty­rýǵa ún­dep otyr. Bul – búgingi qoǵam úshin qajetti qadam.

Aıdar SABYROV,

H.Dosmuhamedov atyndaǵy Atyraý ýnıversıtetiniń dosenti

Atyraý oblysy