Soǵan sáıkes aldaǵy beısenbide senatorlar «Qazaqstan Respýblıkasynyń Úkimeti men Qatar Memleketiniń Úkimeti arasyndaǵy ınvestısııalardy ózara kótermeleý jáne qorǵaý týraly kelisimdi ratıfıkasııalaý týraly» zańdy qaraıdy. Bul zań ınvestısııalyq qyzmetti júzege asyrýǵa qolaıly jaǵdaı qalyptastyrý arqyly taraptardyń ekonomıkalyq yntymaqtastyǵyn jandandyrýǵa arnalǵan. Sondaı-aq Qujat ótemaqy tóleýdi, halyqaralyq arbıtrajǵa qol jetkizýdi, elderdiń sheteldik ınvestısııalarǵa ádil jáne teń qatynasyn qamtamasyz etý arqyly májbúrlep ıelikten shyǵarýdan qorǵaýdy qamtamasyz etedi.
Senat otyrysynda «Qazaqstan Respýblıkasynyń Úkimeti men Sıngapýr Respýblıkasynyń Úkimeti arasyndaǵy Investısııalardy kótermeleý jáne ózara qorǵaý týraly kelisimdi ratıfıkasııalaý týraly» zań da qaralady.
Kelisimniń negizgi mindeti – ınvestorlardyń ınvestısııalyq qyzmetti iske asyrýy kezinde olardyń quqyqtarynyń kepildikterin bekitý arqyly yntymaqtastyqtyń quqyqtyq negizin qalyptastyrý. Sonymen qatar Bıýro otyrysynda Májilisten kelip túsken zańdar Senattyń turaqty komıtetterine bólinip berildi.
