Foto: smartsolutions.ua
Atalǵan is-shara Shveısarııanyń damý jáne yntymaqtastyq agenttiginiń (SDC) qoldaýymen ótkizildi.
Is-sharaǵa qatysýshylar aldynda HKU Ortalyq Azııa boıynsha mıssııasynyń Sýbóńirlik úılestirýshisi Zeınal Gadjıev myrza, QR Prezıdenti janyndaǵy Adam quqyqtary jónindegi komıssııa tóraǵasynyń orynbasary Tastemir Ábishev, QR Prezıdenti janyndaǵy Memlekettik basqarý akademııasynyń vıse-rektory Álııa Masalımova quttyqtaý sóz sóıledi.
HKU-nyń Ortalyq Azııadaǵy mıssııasynyń basshysy Zeınal Gadjıev myrza óz sózinde jas urpaqtyń problemalardy shyǵarmashylyqpen sheshýdegi jáne kóshi-qonǵa baılanysty máselelerdi sheshýge belsendi qatysýdaǵy basty mańyzyn atap ótti.
Komıssııa tóraǵasynyń orynbasary Tastemir Ábishev kóshi-qon saıasaty Qazaqstan Respýblıkasy memlekettik saıasatynyń strategııalyq baǵyttarynyń biri bolyp tabylatynyn jáne mynalarǵa baǵdarlanǵanyn atap ótti:
syrtqy kóshi-qon salasynda – etnıkalyq repatrıasııany yntalandyrýǵa (qandastardy) jáne joǵary bilikti eńbekshi-mıgranttardy tartýǵa;
ishki kóshi-qon salasynda – ekonomıkanyń qajettilikterine sáıkes jáne olardaǵy demografııalyq jaǵdaıdy eskere otyryp, halyqty soltústik óńirler boıynsha qonystandyrý problemalaryn sheshýge.
Budan ári Komıssııa tóraǵasynyń orynbasary memlekettik organdardyń qyzmetinde eńbekshi-mıgranttardyń quqyqtaryn qorǵaý máselelerin ózektendirý, eńbekshi-mıgranttardyń quqyqtaryn qorǵaýda azamattyq qoǵam ınstıtýttary men joǵary oqý oryndarynyń áleýetin tolyq paıdalaný, halyqty, onyń ishinde kóship-qonýshylardy quqyqtyq aǵartýdyń róline erekshe nazar aýdarý qajettigin atap ótti.
Sondaı-aq Komıssııa tóraǵasynyń orynbasary Qazaqstan Prezıdenti Q.Toqaev zańnyń ústemdigine jáne bizdiń qoǵamda quqyqtyq mádenıetti ornatýǵa, Qazaqstan Respýblıkasynyń halyqaralyq mindettemeleri sheńberinde árkimniń konstıtýsııalyq quqyqtaryn saqtaýǵa mańyzdy mán beretinin erekshe atap ótti.
Sóz sońynda T.Ábishev jastar men olardyń uıymdaryn kóshi-qon zańnamasy men quqyq qoldaný praktıkasyn jetildirý boıynsha jańa ıdeıalar men jobalar jasaýǵa, QR Kóshi-qon saıasatynyń 2023-2027 jyldarǵa arnalǵan tujyrymdamasyn iske asyrýǵa belsendi atsalysýǵa shaqyrdy.
Qatysýshylar komandalarǵa bólinip, ózderiniń kúsh-jigerin mazmundy prezentasııalardy usynýǵa jáne bolashaqta múmkin bolatyn iske asyrý úshin ınnovasııalyq ıdeıalardyń tujyrymdamalaryn jasaýǵa arnady. Basty maqsat yntymaqtastyqty nyǵaıtýǵa jáne Qazaqstan sheginde de, halyqaralyq arenada da kóshi-qon tájirıbesin túsinýdi tereńdetýge yqpal etetin strategııalardy zerdeleý boldy. Mıgranttardyń shyqqan jáne baratyn elderinde turýyna járdemdesýdegi úkimettik jáne úkimettik emes uıymdardyń asa mańyzdy róline erekshe nazar aýdaryldy.
Tanystyrylymdar Qaýipsiz, rettelgen jáne turaqty kóshi-qon týraly jahandyq shartta kórsetilgen maqsattarmen kelisildi. Qatysýshylar aýdıtorııamen rezonans týdyrǵan ıdeıalardy usyna otyryp, pikirtalastarǵa belsendi qatysty. Eńbek naryǵynyń serpindi qajettilikteri, mádenı murany saqtaý, tehnologııalyq saldarlar jáne qyzmetkerler men jumys berýshiler arasyndaǵy oń qarym-qatynastardy qalyptastyrý, halyqaralyq standarttarǵa sáıkes eńbekshi-mıgranttardyń quqyqtary men bostandyqtaryn qamtamasyz etý sııaqty taqyryptar qozǵaldy.
«Jastar ıdeatony» is-sharasy jas urpaqqa kóshi-qon jáne onyń kóp qyrly saldary týraly jalǵasyp jatqan dıalogqa eleýli úles qosýǵa múmkindik beretin negizgi platforma boldy.
