Mendeleev ýnıversıtetiniń ókildigi

Hımııa óndirisiniń jiligin shaǵyp, maıyn ishken jergi­likti mamandardyń aıtýynsha, óńirlik ýnıversıtettiń reseılik joǵary oqý oryndarymen tyǵyz baılanys ornatýy zańdylyq. О́ıtkeni Jambyl oblysy hımııa ónerkásibiniń lokomotıvi sanalady. Eki ýnıversıtet arasyndaǵy baılanys ótken jyly ornatyldy. Prezıdent tapsyrmasyn jú­zege asyrýdy qolǵa alǵan óńir­lik ýnıversıtet ujymy áýeli «Qazfosfat» JShS, D.Men­de­leev atyndaǵy Reseı hımııa-tehnologııa ýnıversıtetiniń bas­shy­lyq quramymen birlesip, úsh­jaqty memorandýmǵa qol qoı­dy. Keıinnen Taraz tórin­de «Men­deleev synyby» joba­sy­nyń saltanatty ashylý rásimi uıymdastyryldy.

Rasynda da, myńdaǵan jergi­likti turǵyndy jumyspen qamtyp otyrǵan «Qazfosfat» JShS úshin bul jobanyń mańyzy zor. Kadr tapshylyǵyn joıý jolynda úshjaqty kelisimmen iske asyrylatyn jobanyń barlyq tarapqa tıimdi ekeni anyq. Sondaı-aq hımııa baǵyty boıynsha bilimin tolyqtyrǵysy keletin jastarǵa da taptyrmas múmkindik. Sodan da bolsa kerek, birshama ýaqyt buryn TMD elderi arasynda tuńǵysh ret hımııa ónerkásibi salasyndaǵy jelilik kampýstyń tusaýy kesilgen edi.

Qolǵa alynǵan iri joba ári qa­raı da sátimen jalǵasty. Endi, mi­ne, M.H.Dýlatı atyndaǵy Ta­raz óńirlik ýnıversıtetinde reseılik joǵary oqý ornynyń ókildigi ashylyp otyr. Is-shara­nyń ashylý saltanatyna Taraz qalasynyń ákimi Baqytjan Orynbekov, reseılik ýnıversıtet rektorynyń mindetin atqarýshy Ilıa Vorotynsev, «Qazfosfat» JShS bas dırektory Evgenıı Pak, Reseı Federasııasy Prezı­denti janyndaǵy ǵylym jáne bilim salasyndaǵy jastar isi jónindegi úılestirý keńesiniń múshesi Aleksandra Glazkova jáne óńirlik ýnıversıtettiń profes­sor-oqytýshylary qatys­ty.

Ilıa Vorotynsev jelilik bi­lim berý baǵdarlamasynyń iske asyrylýy eki oqý ordasy ara­syndaǵy iskerlik baılanys­ty nyǵaıta túsetinine senimdi. Al Taraz óńirlik ýnıversıteti rekto­rynyń mindetin atqarýshy Sholpan Esimova «Mendeleev synyby» jobasynyń sátimen iske asqanyn aıtyp, bilim berýdegi halyqaralyq yntymaqtastyqty damytýdyń, hımııa salasynda joǵary bilikti kadrlar daıarlaý maqsatynda elimizde Reseı hımııa-tehnologııa ýnıversıtetiniń fılıa­lyn ashý jónindegi basta­manyń mańyz­dylyǵyn atap ótti.

Jalpy alǵanda, bul joba­ny iske asyrý jumystary 2023 jyly Almaty qalasynda ótken eki eldiń úkimetaralyq komıs­sııasynyń otyrysynda to­lyq­­qan­dy zerdelenip, Taraz qala­syn­da sheteldik ýnıver­sı­tet­tiń fılıalyn ashý týraly she­shim qabyldanǵan bolatyn. Baıan­dy bastamany júzege asyrý­dyń birlesken jol kartasy da ázirlengen edi. Endi, mine, atqarylǵan barlyq jumys oń nátıje berip otyr.

Derekke júginsek, 2024 jyl­d­yń 1 qyrkúıeginen bastap Taraz qalasynda D.Mendeleev atyndaǵy ýnıversıtettiń fılıaly óz jumy­syn bastaıdy. Jergilikti oqý ordasy hımııa salasynda ǵylymı-tehnologııalyq jáne óndiristik mindetterdi sheshýge qabiletti ha­lyq­aralyq bilim berý standart­tary deńgeıinde mamandar men ǵylymı kadrlardy daıarlaý minde­tin júzege asyrmaq. Hımııa jáne hımııalyq tehnologııa salasynda irgeli jáne qoldanbaly ǵylymı zertteý­ler júrgizý josparlanyp otyr.

TARAZ