Sýretti túsirgen – Erlan OMAR, «EQ»
Máselen, Atyraý oblysynda keıingi úsh jylda «Ańsaǵan sábı» baǵdarlamasymen balaly bolǵysy keletin otbasylar úshin 679 kvota bólinipti. Endi bıyl sábı súıýdi ańsaǵandarǵa 232 kvota qaralyp otyr.
«Ekomed-Atyraý» JShS klınıkasynyń gınekolog-dárigeri, reprodýktolog Qundyz Dáýletııarovanyń aıtýynsha, «Ańsaǵan sábı» baǵdarlamasynyń basty maqsaty – qosalqy reprodýktıvti tehnologııanyń kómegimen otbasylyq-demografııalyq máselelerdi oń sheshýge járdemdesý. Basqasha aıtqanda, bala súıgizetin baǵdarlamanyń artyqshylyǵy kóp.
«Elimizde 2021 jyldan beri bedeýlikke qarsy «Ańsaǵan sábı» baǵdarlamasy iske asyryla bastady. Qazaqstanda bul prosedýra qolǵa alynǵaly beri bala súıgen baqytty otbasylardyń qatary kóbeıdi. Bul baǵdarlamaǵa 18-42 jasqa deıingi áıelder qatysa alady. Baǵdarlamaǵa qatysýshy óziniń kelisimimen arnaıy konsýltasııadan, medısınalyq tekserýden ótedi. Munyń bári mindetti is-shara», deıdi Q.Dáýletııarova.
Onyń deregine súıensek, Atyraý oblysyna 2021 jyly – 233, 2022 jyly 213 kvota bólingen. Al ótken jyly atyraýlyq analarǵa 233 kvota usynylǵan. Biraq kvotanyń 20-sy suranystyń kóptigine baılanysty Almaty oblysyna berilgen.
«Byltyr Atyraý oblysynda 213 kvota ıgerildi. Baǵdarlamaǵa qatysqan 59 áıel dárigerlerdiń kómegimen bala kóterdi. Alaıda 9 ana túsik tastady. Qazir 47 ana sábı kútip otyr. Úsh ana ómirge náreste ákeldi. О́zge analar tıisti is-sharalardy qabyldap júr», dedi Q.Dáýletııarova.
Atyraý oblysy
