Bashqurtstan basshysymen kezdesti

Kezdesý barysynda Qazaqstan óńirleri men Bashqurtstan ara­syndaǵy ónerkásip koope­rasııa­­syn nyǵaıtý jónindegi shara­lar, sondaı-aq Qazaqstan-Reseı yn­tymaqtastyǵyn odan ári ter­eń­detý maqsatynda aýyl sharýa­shylyǵy, logıstıka, bilim berý jáne týrızm salalaryndaǵy ózara is-qımyl máseleleri talqylandy.

Úkimet basshysy Reseı Qazaq­stannyń negizgi saýda-ekono­mıkalyq áriptesteriniń biri eke­nin atap ótti. Buǵan 2022 jyly taýar aınalymy kóleminiń 10%-ǵa ósip, 27 mlrd dollarǵa jetkeni dálel. О́tken jyldyń 11 aıynda da aradaǵy saýda-sattyq jaqsy nátıje kórsetip, shamamen 24 mlrd dollardy qurady.

«Qazaqstan-Reseı saýda qa­ty­nastarynyń damýyna Bash­qurtstan Respýblıkasy eleýli úles qosyp keledi. Atalǵan kezeńde óńirler arasyndaǵy taýar aınalymy 350 mln dollardan asty. Osy rette aradaǵy saýda-ekonomıkalyq baılanystardy odan ári keńeıtý úshin zor áleýet bar», dedi Á.Smaıylov.

Sonymen qatar Premer-mınıstr Astanada ótip jatqan bız­nes-forým men yntymaqtastyq jó­nindegi jumys tobynyń otyrysy ekijaqty ózara is-qımylǵa eleýli serpin beretinine senim bildirdi.

О́z tarapynan Bashqurtstan basshysy ónerkásip kooperasııa­syn odan ári tereńdetýge jáne saýda qatynastaryn damytýǵa qyzyǵýshylyq tanytty.

«Kásiporyndarymyzdyń eko­nomıkalyq yntymaqtastyǵy ar­typ  keledi. Múmkindikter endi ǵa­na iske asyryla bastalǵanyn kórip otyrmyz. Taýar aınalymyn odan ári ulǵaıtý – aldaǵy jyldardaǵy ortaq mindetimiz. Bul úshin tıisti alǵysharttyń barlyǵy bar», dedi Radıı Habırov.