Kásip ıesi – Erkesh Túsipqyzy. Naýbaıhananyń ashylý rásimine Taldy selolyq okrýginiń ákimi Nurlan Amanuly qatysyp, kásipkerdiń bastaǵan isine tabys tiledi.
– Búginge deıin aýyldaǵylar nandy qaladan tasıtyn. Ústeme baǵasy da qymbattaý. Sondyqtan osydan eki aı buryn Taldy, Bereket, Baıbala, Aqbaýyr men Aqshoqy, Aqqııaq aýyldaryna ortaq naýbaıhana ashýdy josparlaǵan edik. Kásipker Erkesh Túsipqyzyna osy isti tapsyryp, qoldan keler barlyq kómegimizdi berdik. Qaraǵandydaǵy «Aısara» dıirmeni men aýyl ákimdiginiń kelisimi boıynsha arzan un alyp turý kelisildi. Demeýshilik jasap otyrǵan dıirmen basshysy Bıdáýlet Baltabaev myrzaǵa myń rahmet, – dedi
N.Amanuly.
Qazirgi ýaqytta naýbaıhanada surypty unnan kúnine 150-200 bólke nan pisiriledi. Aldaǵy ýaqytta ekinshi peshti iske qosyp, nan kólemin táýligine 400-ge jetkizýdi josparlap otyr. Budan bólek, basqa da nan-toqash ónimderin satý josparynda bar. Jergilikti kásipker jurttyń kúndelikti suranysyn oryndaýdy o bastan maqsat etken. Shaǵyn ǵana naýbaıhana pisiriletin as atasy aýyl jurtynyń kóńilinen shyǵyp tur.
Qaraǵandy oblysy,
Shet aýdany
