Foto: aptamedia.kz
Kezdesýler barysynda áriptester vedomstvoaralyq yntymaqtastyqty keńeıtý jáne halyqaralyq qaýipsizdikti qamtamasyz etý máselelerin keńinen talqylady.
Elimizdiń bas qadaǵalaý organynyń basshysy Qazaqstan Respýblıkasy Birikken Arab Ámirlikterine uqsas syn-qaterler men qaýipterge tap bolatyndyǵyn, sondyqtan qylmyspen kúres máselelerin birlesip sheshý, úzdik jumys tájirıbesimen udaıy almasa otyryp, zamanaýı syn-qaterler men qaýipterge qarsy turý mańyzdy ekenin atap ótti.
Sondaı-aq Qazaqstannyń Bas prokýrory qylmystyq-quqyqtyq saladaǵy ekijaqty yntymaqtastyqtyń keıbir aspektilerine, atap aıtqanda, izdeýde júrgen adamdardy ekstradısııalaýǵa jáne qylmystyq ister boıynsha quqyqtyq kómek kórsetý máselelerine jan-jaqty toqtaldy. Kezdesý aıasynda arab tarapynyń zańsyz alynǵan aktıvterdi qaıtarý maqsatynda olardy izdeý úshin jasandy ıntellektini (JI) paıdalaný tájirıbesi de talqylandy.
Sapar nátıjesinde, Qazaqstan Respýblıkasynyń Bas prokýratýrasy men BAÁ Ádilet mınıstrligi arasyndaǵy yntymaqtastyq baǵdarlamasyna qol qoıyldy. Taraptar bul qujatty júzege asyrý qylmysqa qarsy kúres salasyndaǵy halyqaralyq yntymaqtastyqty odan ári nyǵaıta túsetinine senim bildirdi.
