Foto: primeminister.kz
Memleket basshysy Qasym-Jomart Toqaev 5 jyl ishinde aýyl sharýashylyǵy salasyn damytýdyń jańa deńgeıine shyǵarý jáne jalpy ónim kólemin 2 esege arttyrý jóninde naqty mindetter qoıdy. Osy maqsatta agroónerkásip kesheniniń árbir baǵyty boıynsha sharalar qarastyrylǵan Jol kartasy ázirlendi.
Máselen, elimizde egis alqaptaryn ártaraptandyrý jandandyrylady, bul ylǵaldy kóp qajet etetin daqyldardyń úlesin azaıtady jáne joǵary rentabeldi ósimdikter, mysaly, maıly daqyldar óndirisiniń kólemin arttyrady. Sonymen qatar sý únemdeý tehnologııalaryn engizý, tyńaıtqyshtardy qoldaný deńgeıin arttyrý jáne aýyl sharýashylyǵy tehnıkasyn qarqyndy jańartý josparlanǵan.
Sondaı-aq Jol kartasyna iri jáne usaq mal basyn kóbeıtýge, et pen astyq óńdeýdi arttyrýǵa, taýarly-sút fermalary jáne basqa da nysandardy iske qosýǵa baǵyttalǵan sharalar da engizilgen. Jol kartasyn júzege asyrý agroónerkásip kesheniniń jalpy ónimin 2028 jylǵa qaraı 2 esege arttyryp, 17 trln teńgege deıin jetkizýge múmkindik beredi.
Negizgi túıtkildi máseleler jáne agroónerkásip keshenin damytý boıynsha usynylyp otyrǵan sharalar týraly aýyl sharýashylyǵy mınıstri Aıdarbek Saparov baıandama jasady. Sý resýrstary jáne ırrıgasııa vıse-mınıstri Erbolat Ibraıhanov vegetasııalyq kezeńde ońtústik óńirlerdi sýmen qamtamasyz etý josparlary týraly aıtty. Aýyl sharýashylyǵyn damytýdyń jańa sharalaryn talqylaýǵa Almaty, Batys Qazaqstan, Qostanaı, Qyzylorda, Mańǵystaý, Pavlodar, Jambyl jáne basqa oblystardyń ákimderi qatysty.
Premer-mınıstr alǵa qoıylǵan mindetterge qol jetkizý úshin Aýyl sharýashylyǵy jáne Sý resýrstary mınıstrlikteri óńirlerdiń ákimdikterimen birlesip, jumys isteý tásilderin qaıta qaraý qajet ekenin basa aıtty.
«Árbir óńir úshin ósýdiń qolda bar rezervteri men damý áleýetin eskere otyryp, kórsetkishter aıqyndaldy. Mono jáne ylǵaldy kóp qajet etetin daqyldardy azaıtý arqyly suranysqa ıe daqyldardyń alqaptaryn keńeıtip, mıneraldy tyńaıtqyshtar qoldaný deńgeıin arttyrý qajet», dedi Á.Smaıylov.
Úkimet basshysynyń aıtýynsha, aýyl sharýashylyǵy daqyldarynyń elıtalyq tuqymdary úlesin, mashına-traktor parkin jańartý deńgeıin jáne sý únemdeý tehnologııalary engizilgen alańdardy arttyrý qajet.
«Ákimdikter men mınıstrlikter tarapynan atalǵan kórsetkishterge qol jetkizýge turaqty baqylaý ornatý qajet. Búginde biz jumysymyzda jańa tásilder qabyldap jatyrmyz. Oblys ákimdikteri Jol kartasynda kózdelgen óz kórsetkishteriniń oryndalýyn qamtamasyz etýi kerek. Bul úshin jeke jaýapkershilik artylady», dedi Premer-mınıstr.
Á.Smaıylov Jol kartasynyń oryndalýyna aı saıyn monıtorıng júrgizýdi jáne atalǵan máseleni toqsan saıyn Úkimet otyrysyna shyǵarýdy talap etti.
