REITING – ILGERILEÝ KО́RSETKIShI

Ádilet mınıstri R.Túsipbekovtiń tóraǵalyq etýimen komıtetter, qurylymdyq bólimsheler men vedomstvolyq baǵynysty uıymdar basshylarynyń qatysýymen kezekti alqa otyrysy bolyp ótti. Onda... “Qazaqstan Respýblıkasy Ádilet mınıstrliginiń Zań shyǵarý ınstıtýty” memlekettik mekemesiniń qyzmeti jáne Dúnıejúzilik ekonomı­kalyq banktiń “Dýıng Bıznes” jáne Dúnıejúzilik ekonomıkalyq fo­rým­nyń básekege qabilettilik jahandyq ındeksiniń reıtıngterindegi pozı­sııany jaqsartý jónindegi jumys barysy qaraldy. Ádilet mınıstri R.Túsipbekov ıns­tıtýttyń qurylǵanyna jarty jyldan az ýaqyt ótkenimen, olardyń óz qyzmetin jetildirý boıynsha naqty jumys atqarǵanyn atap kór­setti. Sonymen qatar, ótken jyly da, qazirgi ýaqytta da bıznesti júr­gizý kezinde ákimshilik kedergilerdi jeńildetý boıynsha edáýir jumys júrgizilgeni aıtyldy. Sol sııaqty halyqaralyq reı­tıng­tegi pozısııany jaqsartý maq­satynda mınıstrliktiń qurylymdyq bólimshelerine aqparattyq-nasıhat jumystaryn jandandyrý jáne halyqaralyq uıymdar ókilderimen, jahandyq básekege qabilettilik reı­tınginiń áleýetti respondentterimen óz­ara baılanysty jandandyrý jó­ninde tapsyrma berildi, dep habarlady Ádilet mınıstrliginiń baspasóz qyzmeti.