Buǵan deıin Maqsut Narikbayev University (MNU) ICAI músheligin alǵan Qazaqstandaǵy alǵashqy ýnıversıtet atanǵan. Búgin 2024 jyldyń 26 qańtarynda Akademııalyq Adaldyq Lıgasy da Halyqaralyq Akademııalyq Adaldyq ortalyǵyna (ICAI) qosyldy.
«Bul kelisim Qazaqstan Respýblıkasynyń akademııalyq qaýymdastyǵy úshin asa mańyzdy. Atalǵan kelisim bilim berý standarttaryn jaqsartýǵa, ýnıversıtetterdiń mańyzdy nátıjelerge qol jetkizýine qoldaý kórsetip, jańa kókjıekterdi ashady», dedi QR Akademııalyq Adaldyq Lıgasynyń jobalyq keńsesiniń basshysy Nurgúl Mahanbaeva.
Akademııalyq Adaldyq Lıgasynyń jobalyq keńsesi Lıga múshelerin jáne QR joǵary oqý oryndaryn akademııalyq adaldyqty qoldaý úshin ICAI qataryna qosylýǵa shaqyrady.
ICAI-ge múshe bola otyryp, JOO-y ozyq zertteý ádistemelerine qol jetkizip, álemdegi ýnıversıtettermen tájirıbe almasyp, akademııalyq adaldyqty damytý úshin qosymsha bilim berý resýrstarymen qamtamasyz etiledi. Sonymen qatar ICAI-ǵa múshe ýnıversıtetter halyqaralyq seriktestikterge, stýdentter almasýǵa jáne birlesken ǵylymı jobalar jasaýǵa múmkindik alady. Sondaı-aq ICAI aımaqtardaǵy ýnıversıtetter arasynda bilim almasýǵa yqpal etetin Networking Consortia usynady.
Qazaqstandaǵy joǵary oqý oryndary ICAI-ge qosylsa, onda olar birlesip ICAI Central ASIA CONSORTIUM qura alady. Nátıjesinde elimizdiń JOO-ynda bilim standarttary artyp, tájirıbe almasý úshin biregeı keńistik qalyptastyrý múmkindigi artady.
