4 qańtar kúni Pavlodar oblysyndaǵy Maıqaıyń kenishi mańynda qutqarýshylar mingen avtobýs 150 metr tereńdiktegi shuńqyrǵa túsip ketkeni týraly jazǵan edik.
Tergeý nátıjesi boıynsha qaıǵyly oqıǵaǵa jeti adam jaýapty dep tanylǵan. Olar taý-ken jumystarynyń qaýipsizdigine bas qatyrmaı, óndiristi baqylamaǵan.
Arnaıy komıssııa quramyna saraptaý júrgizetin tórt birdeı mekeme ókilderi kirgen. Reseıden de mamandar shaqyrylǵan. Olar "Maıqaıyń-altyn" aksıonerlik qoǵamy basshylarynyń osynshama jaýpsyzdyqqa jol bergenine tań qalyp otyr. О́ndiriste qadaǵalaý qashan júrgizilgeni beımálim. Ken óndirgennen keıin jer astynda bos qalǵan aýmaqty toltyrmaı, sol kúıi tastap ketip otyrǵan. Aqyry sol oıyqqa avtobýs qulap, ishinde bolǵan eki adamnyń denesin de, kólikti de úsh aptadan beri shyǵara almaı otyr.
Oıyqtyń tereńdigi 150 metrdeı. Qutqarýshylar buryn-sońdy mundaı apat álemdik tájirbıede bolmaǵanyn aıtady. Sondyqtan jer taǵy oıylyp kete me degen qaýippen qutqarý jumystary osynshama ýaqytqa sozylyp keledi.
- Tergeý nátıjesinde akti qurylyp, kásiporynǵa jıyrma is shara jospary berildi. Tergeýde barlyq qajet qujat alyndy, qaraldy. Nnátıjesinde kásiporyn jumysty baqylap, durys júrgizbegeni anyqtaldy, – dedi Pavlodar oblysy ónerkásip qaýipsizdigi departamentiniń basshysy Danııar Andasov.
Eske salsaq, buǵan deıin qutqyrýshylar shahtaǵa qulaǵan avtobýstyń bólshekteri men jolaýshylardyń sómkesin, kóliktiń memlekettik nómirin tapqany týraly jazǵan edik.
