AО́SShK Bas hatshysy Qaırat Sarybaı halyq qalaýlylaryna organdar men ınstıtýttarda jumys istep turǵan keńestiń qalyptasý jáne damý tarıhy týraly aıtyp berdi. Sondaı-aq hatshylyqtyń aǵymdaǵy qyzmeti jáne AО́SShK-ny halyqaralyq uıymǵa aınaldyrý úderisi týraly baıandady.
– Uıymnyń negizgi ıdeıalaryn negizge ala otyryp, AО́SShK egemendik teńdik, múshe memleketterdiń ishki isterine aralaspaý, Azııadaǵy beıbitshilikti, qaýipsizdik pen turaqtylyqty nyǵaıtýǵa kópjaqty tásilderdi ázirleý arqyly áriptestikti keńeıtý úshin ekonomıkalyq, áleýmettik jáne mádenı yntymaqtastyq qaǵıdattaryna negizdelgen saıasat júrgizedi, – dedi Qaırat Sarybaı.
Atap aıtqanda, AО́SShK BUU-men jáne onyń júıesine kiretin mamandandyrylǵan uıymdarmen yntymaqtastyq ornatty. TúrkPA, Arab memleketteri lıgasy, Eýropadaǵy qaýipsizdik jáne yntymaqtastyq jónindegi uıym sııaqty óńirlik qurylymdarmen turaqty qarym-qatynas qalyptastyrdy.
Aıgúl Quspan hatshylyqtyń basshylyǵyna arnaıy shaqyrǵany úshin alǵysyn bildirip, AО́SShK jumysynyń mańyzdylyǵyn atap ótti. Bıyl keńesti shaqyrý týraly bastamanyń alǵash ret kóterilgenine 32 jyl tolatynyn eske saldy.
– AО́SShK keń yntymaqtastyqtyń tuǵyrnamasyna ǵana emes, sonymen qatar halyqaralyq dıplomatııanyń tıimdi ınstıtýtyna aınaldy. Biz 2024 jylǵy tamyzda Astanada ekologııa máseleleri boıynsha AО́SShK Mınıstrlik konferensııasyn, sondaı-aq AО́SShK Jastar keńesiniń qoldaýymen eriktiler qozǵalysy kóshbasshylarynyń sletin ótkizý sekildi bastamalarǵa qoldaýymyzdy bildiremiz, – dedi Aıgúl Quspan.
Al Álibek Baqaev depýtattardy Qazaqstannyń AО́SShK-ge tóraǵalyǵynyń 2020 jyldan bergi negizgi jetistikteri týraly habardar etti. Ol Prezıdent Qasym-Jomart Toqaevtyń jáne múshe memleketterdiń qoldaýymen kópjaqty dıalog platformasyn nyǵaıtatyn eleýli bastamalar tabysty iske asyrylǵanyn atap ótti. Syrtqy saıasat vedomstvosy basshysynyń orynbasary AО́SShK-niń altynshy sammıti barysynda usynylǵan Prezıdent bastamalarynyń máni týraly da aıtty.
Qyzý pikirtalas barysynda parlamentshiler shekaralardaǵy kedendik baqylaýdy úılestirý jáne halyqaralyq saýdany damytý, transshekaralyq sý resýrstary salasyndaǵy yntymaqtastyq, esirtkiniń zańsyz aınalymyna qarsy kúreste arnaıy organdardyń ózara is-qımyly máselelerin kóterdi. Kezdesýge qatysýshylar Palestına-Izraıl qaqtyǵysynyń shıelenisýin qosa alǵanda, halyqaralyq saıasattaǵy syn-qaterlerdi jáne azııalyq qaýipsizdiktiń túıindi máselelerin sheshýdegi AО́SShK rólin talqylady.
– AО́SShK memleketterge, onyń ishinde ózara dıplomatııalyq turǵydan tanymalǵan memleketterge bir ústelde otyryp, kelissózder júrgizýge múmkindik beredi. Uıymnyń biregeıligi men kúshi de osynda jatyr, – dedi AО́SShK Bas hatshysy Qaırat Sarybaı.
Is-shara sońynda komıtet tóraǵasy Andreı Lýkın AО́SShK qyzmeti týraly jan-jaqty aqparat berilgeni úshin alǵys bildirip, depýtattyq korpýstyń keńeske jan-jaqty qoldaý kórsetýge daıyn ekenin jetkizdi.
