Otandyq kásipkerler keńesiniń basqosýy

Úkimet basshysy qabyldanǵan sharalar­dyń arqasynda keıingi jyldary óńdeý óner­kásibi eksportynyń kólemi óskenin atap ótti. Bul rette Qazaqstannyń ımporttalatyn taýarlardyń edáýir bóligin jergilikti jerde óndirý úshin áleýeti jetkilikti.

«Bul jumysqa el ishindegi kadrlarymyzdy, shıkizat pen taýarlardy barynsha jumyldyrý mańyzdy. Úkimet básekege qabiletti kásip­oryn­dardy damytý úshin qolaıly jaǵdaı jasaý jumysyn jalǵastyrady», dedi Álıhan Smaıylov.

Ortalyq memlekettik organdar, ákimdikter men ulttyq kompanııalar basshylyǵynyń, «Atameken» UKP jáne bıznes ókilderiniń qatysýymen ótken otyrys barysynda tehnı­kalyq retteý, sertıfıkattaý, transfert jáne ozyq tehnologııalardy engizý, óndiris­terdi oqshaýlaý jáne dekarbonızasııalaý, qarjylandyrýdyń qoljetimdiligin arttyrý, kásiporyndardy shıkizatpen qamtamasyz etý, memlekettik satyp alý jáne memlekettik qoldaý sharalary, zańnamany jetildirý máseleleri talqylandy.

Bıznes kótergen barlyq ózekti másele boıynsha memlekettik organdar, damý ıns­tıtýttary men ákimdikter tarapynan tolyq túsiniktemeler berildi.

О́nerkásip jáne qurylys mınıstri Qanat Sharlapaev óz baıandamasynda ótken jyldyń 11 aıynyń qorytyndysyna sáıkes óńdeý ónerkásibiniń syrtqy saýda aınalymy 12%-ǵa ar­typ, 74,2 mlrd dollardy quraǵanyn atap ótti.

2023 jyly iri tapsyrys berýshiler men otandyq óndirýshiler arasynda jalpy quny 66 mlrd teńgeni quraıtyn uzaqmerzimdi 179 shart pen ofteık-kelisimshart jasaldy. So­nymen qatar óz qajettilikterin qanaǵattan­dyrý úshin iri kompanııalar («Qazaqmys», ERG, «Qazmyrysh» jáne t.b.) óz aınalasynda shaǵyn jáne orta bıznes beldeýin qurýda.

Import almastyrýdy yntalandyrý úshin otandyq óńdeýshilerdi qoljetimdi baǵamen shıkizatpen qamtamasyz etý mehanızmi iske qosyldy. Búginde metaldyń úsh negizgi túri – alıýmınıı, mys, qorǵasyn boıynsha 25 kelisim jasaldy. Bul óńdeýdi tereńdetip, respýblıkada óndiriletin taýarlardyń nomenklatýrasyn keńeıtýge múmkindik beredi.

Kásiporyndardyń ınfraqurylymǵa qoljetimdiligin keńinen qamtamasyz etý maq­satynda arnaıy ekonomıkalyq jáne ındýs­trııalyq aımaqtardyń qyzmeti jetildirilýde.

Sonymen qatar óńdeý ónerkásibinde ımportty almastyrýǵa jáne eksportqa baǵyt­talǵan ınvestısııalyq jobalardy iske asyrý boıynsha jumystar júrgizilýde. О́tken jyldyń qorytyndysy boıynsha jalpy quny 930 mlrd teńge bolatyn 170 joba iske qosylyp, 12 myńnan astam turaqty ju­mys orny ashyldy. Atap aıtqanda, lak jáne boıaý materıaldary, armatýra, arnaıy jumys kıimi, medısınalyq jıhazdar, jylý saq­taǵysh materıaldar, lıftter jáne t.b ımport­qa táýeldi taýarlar óndirisi jolǵa qoıyldy.

Bıyl jalpy quny 1,5 trln teńge bolatyn 180 jobany júzege asyrý josparlanyp otyr. Nátıjesinde, 18 myńnan astam jumys orny ashylady. Atap aıtqanda, Pavlodar oblysynda ferroqorytpa zaýyty, Qostanaı oblysynda júk kólikterine arnalǵan temir bólshekter shyǵaratyn zaýyt, Pavlodar oblysynda ustalyq-bandaj kesheni, Almaty oblysynda turmystyq tehnıka shyǵaratyn zaýyt jáne Qaraǵandy oblysynda jel energetıkasy qondyrǵylaryna arnalǵan quramdas bólikter shyǵaratyn zaýyt.

Qorytyndylaı kele, Premer-mınıstr ımport almastyrýdy damytý ekonomıka turaqtylyǵyn qamtamasyz etetin mańyzdy faktor ekenin atap ótti.

«Bul rette keshendi jumys júrgizý qajet. Osy maqsatta Úkimet Elishilik qundylyqty jáne eksportqa baǵdarlanǵan óndiristerdi damytý baǵdarlamasyn qabyldady. Atap aıtqanda, otandyq taýarlar nomenklatýrasyn keńeıtý jáne jumys istep turǵan kásiporyndardyń júktemesin arttyrý arqy­ly óndiristiń ósýin yntalandyrý sharalary júzege asyrylýda», dedi Álıhan Smaıylov.

Úkimet basshysynyń aıtýynsha, sonymen qatar kásiporyndardyń negizgi qorlaryn ýaqtyly jańartý jáne jańa óndiris oryndaryn iske qosý mańyzdy mindetter bolyp tabylady.

«О́ndiristi lokalızasııalaýdy arttyrý maqsatynda jobalar qoljetimdi qarjy­landyrýmen, onyń ishinde bıýdjetten tys kózder jáne kepildik berý tetikterin ke­ńeıtý esebinen qamtamasyz etilýge tıis. Bul sharalar kásiporyndarǵa sheteldik taýar jetkizý­shilermen tabysty básekelesýge múmkindik beredi», dep atap ótti Premer-mınıstr.

Otyrysta Úkimet apparaty basshysynyń orynbasary Asqar Bıahmetov otandyq kásipkerler keńesiniń otyrystarynda buryn kóterilgen bıznes máselelerin qaraý barysy týraly baıandady. Atap aıtqanda, kólik, agroónerkásip kesheni, energetıka, taý-ken metallýrgııa kesheni, munaı-gaz sektory jáne adamı kapıtaldy damytý sııaqty salalar boıynsha júzden astam másele qaraldy. Bıznestiń barlyq túıtkildi máseleleri Úkimettiń baqylaýynda, olar boıynsha tıisti jumystar júrgizilip keledi.