Qazaqstan • 29 Qańtar, 2024

Transshekaralyq ózender: Ortaq sý máselesi konvensııa aıasynda sheshiledi

287 ret

kórsetildi

1 mın

oqý úshin

Sý resýrstary jáne ırrıgasııa mınıstrligi Halyqaralyq sý aǵyndarynyń keme júrmeıtin túrlerin paıdalaný quqyǵy týraly konvensııa aıasynda transshekaralyq ózenderdiń sýyn birlesip paıdalaný máselesin sheshýge nıetti, dep habarlaıdy Egemen.kz atalǵan mınıstrliktiń baspasóz qyzmetine silteme jasap.

Marjan TILEÝBEK

Transshekaralyq ózender: Ortaq sý máselesi konvensııa aıasynda sheshiledi

Foto: agroinfo.kz

Konvensııa − transshekaralyq ózenderdegi sýdyń ádil bólinýin qamtamasyz etetin jáne ony paıdalanýdy retteıtin halyqaralyq qujat. Halyqaralyq kelisim sý bólýge qatysty yqtımal daýlardy sheshý úshin jáne barlyq taraptyń múddesine saı sý resýrstaryn damytýǵa memleketter arasyndaǵy yntymaqtastyq tetikterin jasaıdy.

Konvensııaǵa sáıkes sý aǵyny memleketi óz aýmaǵynda halyqaralyq sý aǵynyn paıdalaný kezinde basqa memleketterge zııan keltirmeý úshin tıisti is-sharalardy qabyldaıdy. Sondaı-aq sý aǵyny, sýdyń sapasy jáne tıisti boljamdar týraly qoljetimdi derektermen turaqty negizde bólisedi. Budan bólek, sý aǵyny memleketteri bir-birine keńes beredi, josparlanǵan is-sharalardyń halyqaralyq sý aǵynyna áseri týraly kelissóz júrgizedi.

Aıta keteıik, atalǵan konvensııaǵa Qazaqstan 2024 jyly qosyldy.