Foto: Qazaqstan Ulttyq banki
«Bul – «Saq stıli» jańa serııasynyń alǵashqy banknotasy. Ol qazaqy oıý-órnektiń bastaý negizi sanalatyn jáne kóshpendilerdiń biregeı mádenıetinen bastap búgingi Qazaqstanǵa deıingi el murasyn beıneleıtin «Saq stıli» elementterine negizdelgen», delingen Qazaqstan Ulttyq bankiniń habarlamasynda.
Bank jańa nomınaldardy jalǵan aqshadan ajyratýǵa kómektesetin birneshe qorǵanysh elementterin kórsetti:
- Banknotaǵa beder salatyn altyn ıntaglıo atty arnaıy baspa tásili qoldanylǵan. 5 000 teńgede altyn tústi kúrdeli bederli boıaýmen Qazaqstannyń eltańbasy basylǵan.
2. Banknotanyń bet jaǵynyń jıeginde shyǵyńqy, kúrdeli bederli elementter bar, olardy saýsaqpen sıpap sezýge bolady.
3. Banknota betinde eki tústi úzik-úzik qorǵanysh syzyq ta bar. Ol, jaryq túskende, birtutas syzyq bolyp anyq kórinedi. Banknotaǵa basqa qyrynan qaraǵan kezde, qyzyl jáne kók túster bir-birin kezektese almastyryp turǵandaı áser beretin dınamıkalyq effekt baıqalady.
4. Banknotanyń bet jaǵynda búrkit beınesindegi kólemdi, aıshyqtalǵan patch qorǵanysh elementi ornalasqan. Banknotany aýdarǵanda, nomınaldyń qunyn bildiretin sıfr oıý-órnekke aınalady, sondaı-aq kún belgisiniń sáýleleri jan-jaqqa taralǵandaı áser baıqalady.
5. Keı kórkemdik elementterge arnaıy altyn tústes jyltyr boıaý qoldanylǵan.
6. Banknotaǵa jaryq túskende, nomınaldyń quny kórsetilgen erekshe belgi anyq baıqalady.
7. Banknotanyń ekinshi betinde «Búrkit» artefaktiniń beınesinde kólemdi Spark elementi ornalasqan. Banknotaǵa basqa qyrynan qaraǵan kezde, Sparktyń túsi altyn tústen nefrıt túske ózgeredi.
Mundaı tekserý tásilderi birneshe sekýnd ýaqytty alady jáne kez kelgen adamǵa banknotanyń túpnusqalyǵyn anyqtaýǵa kómektesedi.
