«Qurmetti jerlester! Esterińizde bolsa, Memleket basshysynyń tapsyrmasy aıasynda osydan bir aı buryn oblysymyzda Úkimet basshysynyń qatysýymen «Rojkovskoe» gaz ken orny iske qosylǵan edi.
Atalǵan is-shara barysynda BAQ ókilderine suhbat bergenimde jańa ken orny oblysymyzdyń suıytylǵan gazǵa degen suranysyn jabatynyn aıtqan edim.
Endi, mine, araǵa týra bir aı salyp, ken ornynan óndirilgen 1 100 tonna suıytylǵan gaz oblys qajettiligine bólindi. Endi aı saıyn osyndaı kólemde cuıytylǵan gaz óńirge jetkizilip turady.
2024 jyldyń sońyna deıin ken ornynda 4 uńǵymany paıdalanýǵa berý josparda bar. Osylaısha, óndiris qýatyn arttyryp, burynǵydaı suıytylǵan gazdy basqa oblystardan ákelýden arylamyz.
Bul – birlesken eńbektiń nátıjesi. О́ndiris ornynda eńbek etip júrgen gaz salasynyń barsha qyzmetkerine rızashylyǵymdy bildiremin!», dep jazdy BQO ákimi.
Batys Qazaqstan oblysy
