Kollajdy jasaǵan – Almas MANAP, «EQ»
Konkýrs talaptarynda aıtylǵandaı, bul qarjy «Aqjaryq – Appaz» tasjolyn aǵymdaǵy jóndeýge arnalǵan. Alaıda shyn máninde bul ýchaskede jergilikti jáne oblystyq deńgeıdegi ýákiletti organdardyń balansynda eshqandaı jol joq ekeni anyqtalyp otyr.
«Avtomobıl joldary týraly» zańnyń 1-babyna sáıkes aǵymdaǵy jóndeý – joldaǵy tótenshe jaǵdaılardyń, aqaýlardyń aldyn alý maqsatynda júrgiziletin jumystar kesheni, ıaǵnı ol qoldanystaǵy joldarǵa júrgizilýge tıis. Al atalǵan ekonomıka bólimi osy normany buza otyryp, qurylys jobasy joq jańa tasjol salýǵa árekettengen.
Sonymen qatar qurylys-montaj jumystary boıynsha memlekettik satyp alýlar Qarjy mınıstriniń 2022 jylǵy 18 qańtardaǵy №46 buıryǵymen bekitilgen «Reıtıngtik-baldyq júıeni paıdalana otyryp, konkýrs arqyly júzege asyrylatyn taýarlardyń, jumystardyń, qyzmetterdiń tizbesine» engizilgen.
Aqtoǵaı aýdany prokýratýrasynyń qadaǵalaý aktisi boıynsha bul konkýrs joıyldy.
