Foto: Instagram-Erdoskanaev
Erdos Qanaev «Ata-ana qadirin balaly bolǵanda bilersiń» tujyrymyn áke atanǵanda eki ese túsingen. О́ıtkeni ánshiniń shańyraǵynda tuńǵysh perzenti densaýlyǵynda kináratpen dúnıege kelgen. Ol 10 jyl boıǵy qıyn kezeńdi esine alyp, kózine jas aldy.
«2010 jyly 26 jasymda alǵash áke atandym. Ol kezde ákelik jaýapkershilikti jete túsine qoımappyn. Qýanǵanymnan kópshilikten súıinshi suraı berippin. Biraq tuńǵyshym bizge synaqpen keldi. Esimin Abdýrahım dep qoıǵan edik. Sol balamyz 2020 jyly qaıtty. 10 jyl ǵana ómir súrdi. Ol birden dúnıege synaqpen keldi. Týǵandaǵy qýanyshymyz sol sátte sý sepkendeı basyldy. Perzenthanaǵa kelgende ulymdy jansaqtaý bólimine alyp ketipti. Eki aı vakýýmde demalyp jatty. Dıagnozben týǵanyn sol kezde bildik», deıdi ánshi.
Ánshi sol kúnnen bastap otbasynda aýyr kezeń bastalǵanyn jasyrmady. О́ner ıesi án-saparda júrgende perzentiniń janynda ánshiniń jary jıi bolǵan.
«Mundaı synaqty men jaýyma da tilemes edim. Uıqysyz túnder. О́ner adamy bolǵannan keıin syrtta kóp júrdim. Anasy ǵana janynda boldy.10 jyl boıy aýrýhana men úıdiń arasynda júrdik. Aparmaǵan jerimiz joq. Aýyr dıagnoz bolǵandyqtan jansaqtaý bólimine kóp túsetin. Tipti eki kún úıde, eki aı aýrýhanada jatqan kezder boldy. Anasy janynda, men syrtta kólikte kútip otyratyn edim. Ár synaqtyń artynda bir jaqsylyq bar deıdi ǵoı. Sol balamyzdan keıin Alla eki ul men eki qyz berdi», dedi Erdos Qanaev.
Podkastta «Jigitter» kvartetiniń ánshisi otbasy, urpaq tárbıesindegi oıyn ortaǵa salyp, pikirimen bólisti.
