Kóz aýrýyn emdeıtin plenka

Bul ónim – Q.Jubanov atyndaǵy Aqtóbe óńirlik ýnıversıteti hımııa jáne hımııalyq tehnologııa kafedrasynyń dosenti, PhD Gýzel Ábilovanyń Uly­br­ıtanııadaǵy Redıng ýnıver­sıtetiniń hımııa, ónimder jáne farmasııa mektebiniń professory Vıtalıı Hýtorıanskıımen birlese ázirlegen eńbegi. Oftal­mologııalyq dárilik plenkalardy jasaý ıdeıasy G.Ábilovaǵa 2016 jyly doktorantýraǵa túsken kezde kelgen. Bıopolımerler negizinde plenkalyq materıaldar túrindegi dárilik formalardyń damýy ǵylymı qyzyǵýshylyǵyn oıatqan. Sóıtip, osyǵan deıingi taqyrypqa qatysty zertteýlerdi zerdeleı kele kózdiń, murynnyń, aýyzdyń shyryshty qabattaryna qoldanýǵa arnalǵan polımerler negizinde jańa plenkaly dárilik formalar jasaýǵa bolatynyn anyqtady. Ǵalym birneshe jyldyq zertteýleriniń nátıjesinde kózge arnalǵan lınzaǵa uqsas óte juqa polımerli dárilik plenkalar jasap shyqty.

Onyń aıtýynsha, plenkalar dárilik zattardyń dozasyn jáne shyǵynyn aıtarlyqtaı azaıtady. Bastysy, densaýlyqqa eshqandaı keri áseri bolmaıdy. Sonymen qatar polımerli kóz plenkalary kózge arnalǵan tamshylardyń ne­gizgi kemshilikterin joıýǵa múm­kin­dik bermek. Kózge arnalǵan tamshy­lardyń emdik merzimi qysqa bolady. Kóbine tamshylar kóz ja­sy­men qosa nemese basqa da túr­li sebeptermen syrtqa shyǵyp kete­di. Al bul jasaǵan polımerli plen­ka kóz jasymen baılanysqa tús­ken kezde birte-birte erip, preparat uzaq ýaqyt boıy kóz ishinde saqtalady.

Importtalǵan farmasevtı­kalyq naryqta polımerlerge ne­gizdelgen kóz dári-dár­mekte­riniń túri bar. Otan­dyq ǵa­lym jasaǵan kózge arnal­ǵan dári­lik plenkalar bakterıaldy etıo­logııanyń kóz aýrýlaryn emdeýge arnalǵan. Iаǵnı bul mıkrobqa qarsy preparattarmen, atap aıtqanda, sıprofloksasınmen áser etetin antıbıotıkten jasalǵan. Polımer negizindegi dárilik forma bosa­tylǵan dárilik preparattyń mól­sherin retteýge múmkindik beredi. Daıyndalǵan kóz plenkalary emdik áserin 6-8 saǵatqa deıin bere alady.

Aldaǵy ýaqytta G.Ábilova dá­ri-dármektiń áser etý ýaqytyn múm­­kindiginshe uzaq ýaqytqa art­tyrý­dyń ádis-tásilderin anyqtaý­dy josparlap otyr. Osy ónimge ne­giz bolǵan «Jergilikti dári-dár­mek­terdi jetkizýge arnalǵan fýnk­sıonaldy bıopolımerler negi­zin­de plenkaly dárilik formalar» taqyrybyndaǵy jobasy 2022-2024 jyldarǵa arnalǵan «Jas ǵalym» konkýrsynda grant­tyq qarjylandyrýǵa ıe boldy.