Sý únemdeıtin jobalar

Úkimet basshysynyń tóraǵa­ly­ǵymen ótip, elimizdiń sý re­sýrs­taryn basqarý júıesin da­my­týdyń 2024-2030 jyldarǵa ar­nalǵan tujyrymdamasy talqy­lanǵan otyrysqa selektorlyq rejimde qatysqan oblys ákimi Nurlybek Nálibaev aımaqta­ǵy sýarmaly sýdy únemdeý jumys­tarynyń barysyn  baıandady.

Kúrishtik alqaptardyń 12%-ǵa azaıýyna baılanysty aýyl sharýashylyǵy qurylymdary arasynda túsindirme jumysta­ry júrgizildi. Egistikti ártarap­tandyrýdan bólek atyzdar lazer­lik tegistelip jatyr. Búginde óńirdegi kúrish alqaptarynyń 55 paıyzy tegistelipti. Bıyl bul kórsetkishti 68 paıyzǵa jet­kizý mejelenip otyr. Sharýa­larǵa sý bóletin mekemeler ókilde­ri­niń jıi aıtatyn máselesi osy lazer­lik tegisteý bolatyn. Táji­rıbe osy arqyly sýdy 15 paıyz­ǵa deıin únemdeýge bolatynyn kórsetip otyr.

Oblysta kúrishtiń qysqa merzimde pisip-jetiletin, ónimdi­ligi joǵary jańa suryptaryn ón­di­riske engizý jalǵasyp jatyr. Qazir jergilikti mamandar Ýkraına ǵalymdarymen birle­sip «Vıkont», «Premıým», «Mar­shal» suryptary óńir klımaty­na beıimdep aýdandastyrý ústinde. Byltyr 71 gektar jerge egilgen reseılik «Iаhont», «Pat­rıot» suryptary jaqsy ná­tıje kórsetti. Jergilikti tuqymǵa qaraǵanda 10-15 kún erte pisip, sýdy az qajet etetin bul suryp­tar­dyń ónimdiligi de joǵary eken. 

Oblystaǵy egistik alqaptyń 60 paıyzyn sýlandyratyn Sol jaǵa magıstraldy kanalynda sýdy bólý jáne esepke alýdy avtomattandyrý jumystary bas­taldy. Búginde aýstralııalyq «Rubicon Water» kompanııasynyń tájirıbesin engizý úshin joba-smetalyq qujattar ázirlenip jatyr. Jańa tehnologııa arqyly kókónis, baqsha, kartop, mal azyqtyq jáne júgeri daqyldary egiletin alqaptardy ulǵaıtýǵa bolady. Jalpy, bul baǵytta bıyl­dan bastap 5 joba júzege asy­rylyp, tolyq qýatyna jetkende 9 myń gektardy qamtıdy.

Shıeli aýdanynda kásipkerler qytaılyq «Bo Iаn» kompanııasymen birlesip, 3 myń gektarǵa tamshylatyp sýarý ádisimen júgeri ósirý jobasyn bastady. Jalpy, oblys­ta 2030 jylǵa deıin sý únemdeý tehnologııalaryn qoldaný aıasyn 50 myń gektarǵa deıin ulǵaıtý jos­parlanyp otyr.

Oblystyq tabıǵı resýrstar jáne tabıǵat paıdalanýdy retteý, aýyl sharýashylyǵy jáne jer qatynastary basqarmalary «Qazsýshar» mekemesiniń Qyzyl­orda fılıalymen birlesip, sala­lyq mınıstrlikpen Sý salasyn damytýdyń 2024-2026 jyl­darǵa arnalǵan keshendi jos­pary jobasyna aımaqtaǵy sý sharýa­shylyǵy máselelerin engizýdi pysyqtaıdy.

Sondaı-aq bıyldan bas­tap elimiz tóraǵalyq etetin halyq­aralyq Araldy qutqarý qory atqarýshy komıtetiniń otyrysyn óńirde ótkizý oılastyrylyp jatyr.

Qyzylorda