Foto: azh.kz
Qarajat veterınarııalyq zerthanalardy dáldigi joǵary qurylǵymen – halyqaralyq usynymdar jáne Codex Alimentarius erejeleri men talaptaryna saı keletin suıyq hromatografpen jabdyqtaýǵa baǵyttalady.
Bul veterınarııa salasynda dál jáne naqty zertteýler júrgizýge múmkindik berip, eldiń azyq-túlik qaýipsizdigin qamtamasyz etedi. Tıimdiligi joǵary suıyq hromatograf taǵam ónimderindegi zııandy zattardyń bolmashy izderin anyqtaýǵa múmkindik beredi. Ony qoldaný halyqtyń densaýlyǵyn taǵam arqyly taralatyn qaýipti aýrýlardan qorǵaýǵa eleýli úles qosady.
Sonymen qatar jańa qurylǵy búginde álemdegi ondaǵan elge taýarlaryn eksporttap júrgen otandyq óndirýshilerge syrtqy naryqtyń qatań talaptaryna sáıkes bolýyna múmkindik beredi.
Budan bólek, Qazaqstannyń basqa elderden jetkiziletin ónimderdi baqylaý múmkindigi aıtarlyqtaı artady. Veterınarııalyq talaptardy buzý faktileri anyqtalǵan jaǵdaıda, elimiz ishki naryqty janýarlardan taraıtyn qaýipti aýrýlardan qorǵaý sharalaryn jedel qabyldaı alady.
Qazaqstan Úkimetiniń atalǵan qaýlyny qabyldaýy azyq-túlik qaýipsizdigin qamtamasyz etý jáne halyqtyń densaýlyǵyn saqtaý jolyndaǵy mańyzdy qadam bolyp tabylady.
