Oblystyq dene shynyqtyrý, sport jáne týrızm basqarmasy baspasóz qyzmetiniń aqparatyna qaraǵanda, 24 qańtar – 2 aqpan aralyǵynda Shymkent qalasynda balalar arasynda shahmattan el chempıonaty ótti. Oǵan elimizdiń barlyq óńirinen 600-den astam jas óren qatysty.
Eń kishkentaı shahmatshy Sanjar Ermek 6 jastaǵy balalar arasynda baq synady. Zerektigimen erekshelengen ol chempıonattyń eki júldesin ıelendi. Shahmattyń blıs túrinen el chempıony atandy. Al klassıkalyq shahmattan qola júldege ıe boldy.
Bes jasar chempıon ótken jyldyń sáýirinen beri aǵa-ápkesimen birge «Guw chess» shahmat klýbynda dáris alyp júr. Áke-sheshesi balalarynyń shahmatqa áýestigine qoldaý bildirgen. Qazir olarǵa jattyqtyrýshy Dılıara Ǵabıtova shahmattyń qyr-syryn úıretedi.
«Shahmat – aqyldylar oıyny. Ony meńgerý ońaı emes. Al Sanjar shahmatty qatty unatty. Qazir smartfondaǵy oıyndarǵa kóńil aýdarmaıdy. Ol 6 aıda jaqsy nátıje kórsetip, tórtinshi, úshinshi razrıadty ıgerdi. Byltyrǵy qarasha aıynda 6 jasqa deıin balalar arasynda Atyraý oblysynyń chempıony, «KSI chess Open» oblystyq týrnıriniń jeńimpazy atanǵan bolatyn», deıdi Dılıara Ǵabıtova.
Atyraý oblysy
